圖片：《喜劇之王》電影劇照
C 記入門版無反新機揀正在情人節當日搞發布會，同日還有雪山牌新機正式推出，真係唔點邊個咁大整蠱？做日報的同行都仲有可能排到隔日稿，即文章周五截稿周六才出街，做網媒的話最遲當日晚上就要有稿出街！小編都戥負責寫稿的同事慘，Hea 寫的話大編不高興，認真寫致遲收工又到情人（或老婆）有微言。廣東話有句俗語叫：橫又死掂又死，做網媒有苦自己知。
上周小編跟一班好友 BBQ，當中不少一家大細總動員，顯然想藉交換利是遊戲賺些水腳（說笑而己）。閒談間有媽媽問小編，女兒是否適合做 model？有圖有真相，她的小女兒雖然今年才讀小學二年班，但睇番相片，拍照時已經識得踮腳、側身兼側望鏡頭，似乎確有潛質！當然，小女孩只係有樣學樣，稍微見到個形態，仍未去到專業 model 果種完全違反物理定律和人體工學的那種程度。
媽媽留意到這個現象，源於今個聖誕節的一件事。話說女孩爸爸揀了一瓶鮮紅色的指甲油，替女兒搽人生第一次的指甲，準備當晚去影燈飾。女兒心裡應該係非常高興，因為終於可以做到「公主」，但因為跟爸爸有約，不能同任何人講是誰替她搽指甲，所以媽媽話當日她跟平時無乜分別。
不過，細路女始終係細路女，到影相時，再無法掩飾心中嘅興奮，手部動作特別多而且誇張，「盲嘅都睇到佢搽咗指甲油啦！」媽媽再回想起來，女兒讀幼稚園時，影相只識擺日式 V 字手勢，但上了小學之後，V 字手勢好像已經無見過。
小編都好客氣咁答番這位媽媽：「你位千金話喊就喊，兩行眼淚仲要開水喉咁，莫講話 model，女主角都有得你做。妳宜加放衫間房，褪定半間出黎畀佢用就啱喇。」
----
如果大家想提供有趣既攝影相關故事分享比大家，歡迎 inbox 比小編，或者 email 去 info@dcfever.com，多謝收看！
