話說3~4年前，開始接觸攝影，最初只對風景拍攝有興趣，連影日出日落位每次都睇咩位置上落，先至出動到特定地方。除此之外，我仲對地質岩石產生興趣，本身無讀地理既我，參加左地質岩石導遊課程，呢個課程令我獲益良多，去過好多平時冇咩機會，甚至唔知有咁既地方，都一一拜訪，知道係咩一回事。今次，重遊舊地就係「荔枝莊」，它岩石體系主要係沉凝灰岩，即係火石爆發而噴出既灰燼或塵埃，經過長年累月沉積落湖下面。（詳細請上官網，我只係雞毛蒜皮識少少…）
正式開始…
當然去左西貢，食個飽飽先出發啦！
因為原本行程由白沙澳青年旅舍＞荔枝莊＞深涌＞榕樹澳…但由於天氣太熱，加上前一日踩左單車，體能大打節扣，最終荔枝莊搭船走～我地乘搭小巴7號到起步地點…
沿路冇咩特別，一時好焗，一時有微風，行左唔知幾耐冇計時就到了目的地～
三年了！終於達陣！
質石公園打卡
狗狗訓係地擺post!
行多幾步又見到你！又擺post！成個佢係主場咁！
三年前影相角度，同今日比相當之唔同，宜家直頭貼住個地下影，特顯岩石紋理同埋氣勢！
再黎！陽光加持！
呢度沉凝灰岩d紋理好x正啊！
睇下d紋理
相信時候或者當年沉積物有所改變，所以變了呈深色狀態～
第二個角度
唔同顏色或類型既岩石～
呢個真係唔可唔提！荔枝莊岩石最大特色！『褶曲』呢種程況比較少見！因為要係沉積物開始變成岩石，而又未變得哂岩石，果pat野軟身又帶點硬，又凝固為固體之中，地殼產生輕微變動，導致呢pat野好似轉左個彎咁，轉完彎之後地殼就唔能夠再郁，再郁時候要成大塊岩板推上地面，我地先可以見到『褶曲』呢個模樣！
呢張係三年前，參加地質岩石班所影，當日天氣超級好，超級藍天白雲！
全新角度
低位影
『褶曲』
想影轉彎轉得急d xD
影到呢度好累冇力了，我地決定等6：00pm船，番大學。
馬鞍山
同隊友討論過後，決定放棄影日落。當天日落「焦」。
Magic hour最美時刻就當個變緊色時候，同埋d燈開哂著哂既時候！鄧鄧鄧！六角星芒！
今次重遊舊地，令我諗番不少往事同埋唔少野，個腦係度諗以前香港究竟發生咩事，地方點樣凌亂，呢度有火山，果度又話有火山。究竟果陣氣候又點架呢？果時既生物又係點既呢？一切只可以係個腦憑自己想像咁ff。香港咁細有咁多保貴地質資源，確是難能可貴，希望日後再有機會再來地質公園遊歷、拍攝，將見到既所見所聞分享俾大家。如以上資料有錯誤，請體諒。並歡迎講俾本人知，以作更改。
歡迎加ig交流！
instagram: andrewncy.images
