話說報呢d考察團要早成個月就報名,所以好唔好天,係咪落雨,都無辦法估計。去果洲群島機會唔係成日都有,第一:要有人搞團先有啦。第二:要5、6、7、8月先有船家肯出海,因為果洲群島一對出去全部都係海,跟住陸地已經係菲律賓,加上要吹西南風,海面先夠平靜,9月份開始吹東北季候風就不宜前往了。第三:當日天氣係咪適合,有冇雷暴、打風等等… 有時天文台既預測,信一半好了,出發前一日的確陰天落雨,跟住第二日佢話仲大雨,於是我鏡頭組合有所變動。將構圖極具彈性28-300mm f3.5-5.6抽出黎,因為陰天既話,變焦咁大倍數,影暗位好洩底。為提升長焦質數,換左75-150mm f3.5…
是日出動鏡頭如下:
藍天白雲提升功力神器:H&Y Full HD MCR Sport 1 Slim CPL
當日天氣朝早好好天,但有雨雲,只有果洲群島清天都ok!
廢話唔多講,到達西貢旅程正式開始… 一切由牛牛開始,一落巴士等友人買腸粉,等等下突然有幾隻牛衝咗出嚟,亂咁過馬路!
即刻拎部相機出嚟,原本插着16-35,即轉老鏡定焦鏡85 1.8,架巴士係咁響安,但隻牛完全當佢冇料到,場面真係好好笑!
陽光加持,增加牛美感!話說嗰幾日,天文台都話會落大雨,17號嗰日真係落雨,18號嗰日佢話落大雨,仲話有低壓槽影響緊本港,點知一朝早起身勁好天,喺西貢市一直都陰天晴天,睇天文台個雨勢圖,果洲群島應該未受影響,究竟餘下嘅旅程Keep住好天?定係陰天、狂風暴雨?
集合講完一大輪上船lu~
影完呢張真係上船出發!途中我都有聽下書,但係一上船嘅上層之後,就瘋狂影相完全冇聽書。途中導師講過d咩…都唔係咁記得。地質班已經係兩三年前上過,今日最重要目的打卡留念,同埋睇下構圖功力進步左幾多!
開始有d野睇,但天氣未係最prefect。
初部試左鏡頭組合,大概明白自己想點影。藍天白雲出現了!同預計一樣!
藍天白雲,加塊cpl(H&Y Full HD MCR Sport 1 Slim CPL)提升功力,海面上減低多餘反光,使海上更顯碧綠,小山上面草顏色更加實在,天空更加藍!
海水侵蝕現象,沿住弱點岩石侵蝕,遲下就分開,好似破邊洲咁樣。
六角柱石節理,呢張相特登等啲浪,喺岩石之間節理落返嚟先影,所以d海水一條一條咁樣樣!
海浪夜以繼日拍打侵蝕,唔知六角柱石可以維持幾耐,要睇既就要快喇!
低炒構圖,突顯藍天白雲!
近shoot~
海蝕洞
果洲群洲,其中一個著名景點:迴旋階梯
呢啲完全係鬼斧神工,大自然雕琢出嚟美態。
陳羽嵐估計,形成迴旋形狀,是因為岩石冷卻後,出現了兩 個主要的傾斜節理面,一高一低,岩石受 到風浪侵蝕及風化,節理面上的岩石從底層的外端開始掉落,然後是頂層的岩石,最後形成現在的迴旋模樣。
copy from 香港地貌岩石保育協會
愈近火山口正中心岩柱愈係粗碌,長焦距發揮時候。
藍天仲keep得住!
頻頻換鏡,一分鐘內換左三、四次鏡頭都有份。
又一著名景點:月球崖
有個人企係度,更加突顯六角柱石氣勢!
200號燈塔
終於離開果洲群島,又見奇景!天氣開始轉差,遠見積雨雲發展成咁樣…我地真係好彩!
H&Y Full HD MCR Sport 1 Slim CPL,真係令今次旅程藍天白雲既相,推向另一個層次,後製應該暫時無方法代替cpl效果。如果想張相係陽光充沛時,發揮得更完美,應該裝cpl影,唔好懶!另外,未去過睇香港六角石柱既朋友,我強烈建議應該去感受一次,它的稀有有性,我唔多講上網大把資料。希望今次旅程d相,可以吸引到其他未睇過既人有興趣!餘下仲有一半旅程,陰天為主,不過可以從船上角度觀察破邊洲,希望黎緊快d有心機打埋佢出文。
今次重遊舊地,令我諗番不少往事同埋唔少野,個腦係度諗以前香港究竟發生咩事,地方點樣凌亂,呢度有火山,果度又話有火山。究竟果陣氣候又點架呢?果時既生物又係點既呢?一切只可以係個腦憑自己想像咁ff。香港咁細有咁多保貴地質資源,確是難能可貴,希望日後再有機會再來地質公園遊歷、拍攝,將見到既所見所聞分享俾大家。如以上資料有錯誤,請體諒。並歡迎講俾本人知,以作更改。
歡迎加ig交流!
instagram: andrewncy.images