文：本香猛
曾經何時，香港殭屍電影可與日本女鬼、美國喪屍「並駕齊驅」，清朝打扮的殭屍形象不但深入民心，更深受各地影迷喜愛。專門不按牌理出牌的日本扭頭公司奇譚俱樂部（株式会社奇譚クラブ），今年年初就以香港殭屍電影為靈感，推出又萌又恐怖的殭屍貓咪系列扭蛋，誰知一出大受歡迎，話咁話第二彈將於 11 月應市，各位貓奴、玩具迷準備好了嗎？
雖然這類殭屍玩具市場上數量不多，但出親都有一定捧場客，例如 Medicom Toy 推出的 STGCC 限定版殭屍 Bearbrick，推出多年就依然熱炒。至於殭屍貓咪，前一彈也曾經刮起輕微刮風，今次第二彈沿用可愛到震的 Q 版貓咪造型，每款約高 52mm，雙眼瞪大，兩手伸直，額頭貼有可拆下的「勒令隨身保命」符咒，喜感十足！一眾貓咪依舊穿上中國清朝官服，只不過領口及衫袖位由藍色變為紅色，形像上是詭異了少許，但相信無阻大家喜愛。
一如上代，第二彈殭屍貓一樣有 5 隻，包括白貓、啡貓、灰白貓、灰色虎紋貓及金黃色虎紋貓，當中灰白貓臉龐特別加了一粒「銷魂墨」，相當搞鬼！售價方面，每扭一次僅為 300 円，買齊 5 隻一字排開不過 HK$110左右，抵玩！
