文：本香猛
品推出，而玩具商亦唔執輸，有廠已取得獨家授權，將劇中驚悚感十足的木頭人娃娃變成 1:10 Figure，屬全球首個推出的版權玩具，未開賣已在網上瘋狂洗版。
這隻 Figure 由原創作品交易平台 FWENCLUB 製作，原材料是搪膠，全高約 14 吋，比大家玩開的 Hot Toys 人偶高 2 吋左右，算是十分巨形。從暫時僅有的 3D 圖得知，Figure 將以全身像現身，齊蔭頭、圓臉、一雙大眼及櫻桃小嘴全部跟足，Body 則是黃 Tee 加橙色連身裙，加上白襪皮鞋，可謂將原來「一二三，木頭人」裏的木頭人娃娃 100% 還原過來。現階段未知 Figure 有否關節，但據估計頭部可如實 360 度旋轉，當然若連眼球都識轉就更維肖維妙啦！
主角成奇勳的參賽者號碼為「456」，此 Figure 亦貼題地全球限量 456 隻，數量激罕，而每隻都有數位證書以起防偽作用，相信又會引起一輪搶購熱潮。惟留意此作暫時未有正式發售日及零售價，FWENCLUB 表示將於短期內公布，想入手就要時刻留意住網站同佢 Facebook 了！
