文：本香猛
歌都有得唱︰「 無敵嘅聖衣，金光璀璨好美麗！」，動漫神作《聖鬥士星矢》最有名的物品一定是各款聖衣，其中又以黃金聖衣最搶 Fo。實物原大 1:1 的黃金聖衣多年前曾於時代廣場展出，一般人得個睇字當然沒可能擁有，但微縮版就唔同講法，Bandai Spirits 最近推出的「聖鬥士聖衣神話 APPENDIX 黃金聖衣雕像」就讓大家一次過擁有 12 件黃金聖衣！
這 12 件聖衣每個高度只有 100mm，以 ABS 及 PVC 混合製作，由本體及印有星座圖案的白色底座組成，並經過電鍍金處理，在燈光底下份外璀璨。黃道十二宮聖衣全部有齊，包括射手座、白羊座、金牛座、雙子座、巨蟹座、獅子座、處女座、天秤座、天蠍座、摩羯座、水瓶座、雙魚座 ，全部造工精細，放在底座跟黃金聖鬥士人偶一同展示效果保證 Double Up！
是次作品每個賣 1,320 日圓，折約 HK$67，預計 2024 年 1 月發售。論新意是少了點，事關廠商在聖衣神話 20 周年也出過類似作品，而且今次是散裝而非盒裝發售，要儲齊要一點運氣。不過今次底座轉了設計，塗裝也稍稍改良，錯過了舊作也值得考慮入手。
