文：本香猛
凌凌漆：「暴龍究竟係鬼鬼崇崇走嚟走去嗰條﹖定還啊～啊~嗰條呢？」
司令：「係啊～啊~嗰條。」
凌凌漆：「咦，嗰條好無人性，專追啲細路嚟咬個喎？」
司令：「唔會…肯定 LEGO 呢條唔會！」
LEGO 愈出愈多恐龍，數量差不多可以開個 LEGO 版侏羅記公園。最近適逢《侏羅紀世界：重生》的預告釋出，LEGO 也趁勢推出 76968「恐龍化石：暴龍」，Size 好巨型，就算得棚骨都超霸氣，而且絕對老少咸宜，唔會追細路來咬！
此 LEGO 侏羅紀世界盒組共有 3,145 個零件，依 1:12 比例砌出全副暴龍化石骨架，完成後高 33cm，長度更來到 105cm，相信一般玩具櫃根本擺唔落。作品由巨大頭骨、鋒利牙齒，到強壯的後肢和長長的尾巴，每一處細節都經過精心設計。頭骨、下顎、手臂及尾巴均藏有活動關節，可以張開血盤大口擺出食人 Pose。
除了化石模型，作品還隨附展示資訊牌、挖掘地點場景、「琥珀」零件，以及 2 隻來自 1993 年電影《侏羅紀公園》的 Minifigure，分別是男主角 Dr. Alan Grant 及女主角 Dr. Ellie Sattler。另外，說明手冊包含了設計細節、電影精華部分與暴龍小知識，絕對值得恐龍迷逐頁細閱。
此作建議售價為 US$249.99，折約 HK$1,944，預計 2025 年 3 月 15 日上市。
