近日 Sony 正式推出 RX10 V，長炮 DC（Prosumer 超變焦相機）再次成為焦點！雖然依家手機功能越來越強，但原來長炮相機依然有佢屹立不倒嘅原因。今集《攝影獨龍鑽》，主持都敏捷同謝飛就會同大家由千禧年代嘅經典神機，一路盤點到最新現役型號！
當年全港轟動、Google 搜尋關聯詞竟然係「透視」嘅 Sony F717，到底係咪真係睇得穿件衫？ 佢嗰個 Hologram 鐳射全息圖對焦又係咩玩法？ 仲有Panasonic FZ50 帶入迪士尼影「糖水相」嘅集體回憶！ 去到依家，點解追星族同演唱會愛好者仲係咁鍾意袋部 Canon SX740 HS 入場？ 保安竟然當佢係電話唔理？ Nikon P1100 焦距去到 3000mm 簡直係「攞你命3000」，連土星環同國際太空站都影到！最誇張嘅係，Sony RX10 IV 推出咗 9 年，二手交收價依然可以過萬港元，保值能力驚人！ 最後兩位主持仲會揭秘時下影友點樣用最低成本、加埋「燈陣」同外掛 LED 燈，將自己部相機體積撐到最大，望落最專業！
各位師兄師姐最深刻嘅又係邊一部長炮 DC？歡迎喺下面留言話比我哋知！
