快活谷馬場確是令人快活的地方，6 月 6 日 「Music Rocks the Valley」 跑馬地馬場攝影活動中，有小巨肺之稱的 G.E.M 一展歌喉和樂隊的狂野演出，現場氣氛極之熱鬧而且場面墟陷，到處也擠得水洩不通，可見 G.E.M 的吸引力非常大。今回在啤酒園有多款啤酒選擇，熱情豪邁的外國人當然不會錯過這機會，一邊與好友歡聚，一邊品嚐美酒。大家可以到 「Music Rocks the Valley」 跑馬地馬場攝影活動投票區 瀏覽各參加者的作品，為你喜歡的作品投下神聖的一票，並且有機會贏得豐富禮品，我們立刻回顧一下這次盛況，讓大家一同雀躍。
報名和出席情況非常擁躍，大家進場後專心聆聽職員講解。
先來張大合照留念﹗
今晚的 Happy Wednesday 有特別驚喜，"like" Facebook Fan Page 就有啤酒券送﹗
啤酒園大賣啤酒﹗人頭湧湧，最緊要都係趁早排隊﹗
係呢個 Extra Hot 既天時無野好得過有杯 Extra Cold 啤酒﹗
你望下果邊，開 show 啦﹗ (設計對白)
利用魚眼鏡的超廣角取景，便可清楚看見觀眾是何其多﹗
有專業相機和長鏡，當然要揀個山頂位唔使迫﹗
用手機、DC 仔就要加多幾成功力迫入去﹗
原來係 G.E.M 準備開腔演唱，台下嘅朋友，未準備好相機既快啲攞出嚟啦﹗
G.E.M 表演自彈自唱，完全投入忘我境界﹗
你地快啲影啦﹗ 遲下就唔係我主場啦﹗ (設計對白)
在人群中想取得拍攝最佳位置？ 可以仿傚圖中綠衫朋友，
帶備摺梯，前方 Clear﹗ 無得輸﹗
如果爭位爭唔贏，還有另類方法，用 Tablet 睇 G.E.M 用肉眼睇更清楚。
在場不單止 G.E.M 搶鏡，還請來了這對嘉賓上演 "當 MJ 遇上 Lady GaGa"
想擦出新火花？ 似乎年代感有點差距吧？
咁多人，有梯我都唔迫過去啦﹗都係搵個靚位影馬仔﹗ (設計對白)
唔記得帶梯可以點？ 善用周邊設施搵個有利位置﹗
唔記得帶腳架？ 俗語有話，出外「靠」 朋友...做你的腳架。
很令人疑惑的字眼，"專業怯場"的人嗎？求正解。
在魚眼鏡下的馬場另一面
一般我們到馬場拍攝最常用應該是長焦鏡，但轉變一下利用魚眼鏡拍攝，超廣闊的視角令畫面更加豐富，別有一番風味﹗
7 時左右入馬場剛好遇到 Magic Hour
拍攝賽事進行，馬匹在鏡頭中孤形跑道上競賽十分有趣﹗
一鏡影齊冠軍得主接受大家的表揚大場面﹗
畫面元素豐富，表達出現場氣氛及沙圈馬匹的狀況﹗
夜馬場情侶多
快活谷馬場向來都比較多外籍人士入場，其中有不少出雙入對的朋友，想感受燈光的浪漫，還是大家都喜愛夜馬場的氣氛？
各自開餐的浪漫？ 西方人食西餐，中國人食中餐﹗
亦可以學以這對情侶睇下馬仔， 羸左當然笑逐顏開﹗
男： Yes, 老婆，我贏左啦﹗ (設計對白)
女： 你快啲上繳啦﹗ (設計對白)
男： 呀.....
男： 唉呀，今次個機會唔輪到我﹗ (設計對白)
女： 好彩無跟你買﹗ 嘻嘻﹗ (設計對白)
記下觀眾的興奮喜悅和酒後真性情
馬場拍攝其中最值得注意的一環就是觀眾的神情，而當晚快活谷馬場中更不少興奮喜悅的神情完全表露無遺﹗
見他雙手緊握七情上面，十分投入觀賞賽事﹗
這位女士的姿態有點像電視台的估詞語遊戲，而答案是"心花怒放" 。
Happy Wednesday，當然要有酒﹗ 無論係細枝裝...
還是大杯裝，其實都係助慶之一，大家最關心的應該都仲係 "How to Win" ﹗
呢位朋友真係千杯不醉，一杯唔夠要攞住一「揸」慢慢嘆﹗
哥哥仔，同 Auntie 飲番杯先走啦﹗ (設計對白)
除左有「好馬頭」，最重要都係「夠腳頭」﹗ 一睇就知「十足十」爆場﹗
有人留低手尾...但我只見到好多腳踭﹗
正所謂「螳螂捕蟬，黃雀在後」，入到馬場唔係你影我，就係我影你。各位除投票之外，
也提提大家 7 月中將會有壓軸煞科攝影活動舉行，到時記得帶定靚鏡頭互影喇！
有獎投票 精彩獎品等你拎
想欣賞參賽者當日所拍下的精彩鏡頭，請各位到 6 月6 日「Music Rocks the Valley」跑馬地馬場攝影活動投票區，
為你所喜歡的作品投下心水一票。而今季比賽更增添新獎項，如投票人士所投的參賽者獲得今回合冠軍，有機會獲得 Sanyo eneloop AA 電池 4 粒裝乙份及由香港賽馬會送出的 24 HERBS 唱片乙隻連親筆簽名貼紙一張 (名額 10 名，僅限18歲以上人士領取及播放)，請踴躍投票。 而今回繼續加推有獎問答遊戲，參加者只要答對一條簡單問題，填妥及遞交個人資料，就有機會贏取 Sanyo
eneloop 彩色版 AA 電池 8 粒裝 (名額 5 名)。而問題貼士，可以按此登入尋找。
24 HERBS 唱片乙隻連親筆簽名貼紙一張 (僅限18歲以上人士領取及播放)
Sanyo eneloop AA 電池 4 粒裝
Sanyo eneloop 彩色版 AA 電池 8 粒裝
有獎投票及有獎問答遊戲於 2012 年 6 月 29 日(23：59) 截止，得獎名單及答案將與「Music Rocks the Valley」跑馬地馬場攝影比賽得獎名單一同公布，敬請留意。
比賽條款及細則︰
1. 投票日期至 2012 年 6 月 29 日(23：59)，逾期無效。
2. 公眾投票為比賽平台票數及 facebook 讚好數量之總和。
3. 每人只可透過 facebook 對每位參加者投票一次。
4. 公眾投票及 facebook 部份將佔總評分的百分之二十，其餘百分之八十總評分則由專業攝影師 PeterPenn 評審。
5. 比賽平台投票部分只接受記名投票，每個電郵只可投票一次，決定勝出者前，大會將檢查參賽者之投票紀錄。
6. 如懷疑有人以不當方式影響票數，大會保留取消問題票數之權利。
7. 如有任何爭議，大會保留最終決定權。
