踏入秋季又係燒烤好時節，同朋友圍爐吹水燒雞翼當然係賞心樂事，其實除此之外，仲有好多嘢可以玩，唔剩只用部手機自拍或大合照咁單調。所以 Canon 係 10 月 26 及 27 日兩晚分別搞左兩場「Stars Hunting」攝影活動，俾大家試用 Canon PowerShot G16 及 S120 玩影星軌及光繪。咁高難度都玩到？無錯，睇完你就明係點玩法喇！
當晚大會嘅 Stars Hunting 專車到達大尾篤燒烤王，準備為各位帶來攝影驚喜
七點入到場，裏面已經幾乎坐滿人，場面相當墟陷。
星空模式三種玩法 棟腳架長曝就有嘢睇
睇人地影星星，成日都聽到話係要用單反裝支廣角鏡加大光圈再用高 ISO 先至玩到，不過一諗到長途拔涉拎住套「架撐」過一晚，又要返屋企放入電腦搞一大輪至有貨交，好似好複雜咁。其實，有部 G16 加支腳架棟係度，有三款星空拍攝效果俾你選擇 ，襟幾個掣就有相有短片睇，你話科技進步係咪幾咁神奇呢？
見到部 G16 係度「抬頭望星空一片靜」做緊乜， 有牌你見「星空相片試拍」嘛！
至於 S120 都一樣做緊嘢，佢可以拍星空 time-lapse 短片，拍完會見到個天郁緊o架！
G16 同 S120 都內置「星軌」模式，相機可設定最長兩小時內自動拍攝新相片(S120 最長為 1.5 小時)，
再自動將相片重叠合成，咁就可以拍出一張有星軌嘅相片，原來拍星軌可以咁簡單。
如果用其他相機， 就要加條快門線，Set 拍攝間隔，再影一大堆相，估估下咁返屋企再用軟件
執一大輪先睇到效果，諗起都超煩，而家就超方便，可以即時睇到條星軌影成點，
仲可以即刻放上網 Share! Yeah！ ( 個晚塵多左少少，去個空擴高地拍效果會好好多。)
搵個光度低又無月亮無雲嘅晚上，拍出呢張作品 is possible。
唔玩星軌，玩「星空模式」長曝只要用最 wide 個段，開到光圈最大， 一樣有星星影到。
第三個功能「星空 time-lapse 短片」模式，可以 1 分鐘 1 格連續拍攝長達 2 小時，合成短片後
再以每秒 15 格播放， 效果會好似快鏡重播夜空物轉星移，唔使入電腦搞真係好易用。
(片段為活動前拍攝)
光繪原來可以齊齊玩
光繪原理簡單就係先用腳架固定，再收細光圈長曝，係預定時間內完成光繪，而 G16 及 S120 都可以用手動調校，大約用 8 秒長曝加上開啟後簾快門，就可以趁完成光繪一刻，再加一下閃光燈，見埋自己個樣，咁就完成喇！
去到現場，大會準備得非常充足，兩台輕巧相片打印機隨時幫大家試相。
仲有電筒、相框、平板電腦等，就係等你埋位用電筒光繪，影好相之後就可以用
Wi-Fi 過相、打印好再裝裱，提供一站式服務，認真貼心！
玩光繪唔係一支公至玩得，四人一齊都無問題！
嘩！
嘩！嘩！
嘩！嘩！嘩！
當晚就不斷聽到「嘩嘩」聲，因為光繪最過癮之處就係玩時唔知畫成點，雖然要試幾次至得，但中間好多蝦碌位會令你會心微笑，畫得靚的話又好有成功感，見到大家咁開心嘅表情，就明晒喇！
影完即印即 Share
唔使急，最緊要快！影完唔快快 upload 上網就會攤凍晒，所以 Canon 已經做左兩手準備，無論真相還是分享都即時俾到你。 因為兩部機都有 Wi-Fi 即 Share，有咁正功能點可以浪費？
影完當然要過左相先。因為 G16 同 S120 都有內置 Wi-Fi，可以將相片傳去平板電腦。
咁就可以揀完相片再打印。現場幾部輕巧相片打印機已經係度不停趕工。
影左咁多張，揀邊張好印呢？張張都想要的話，既然大家都有部手機係度，
印好一張之後，不如用 Wi-Fi 過埋其他相啦。
呢邊又有乜玩呢？放左個摩天輪同旋轉木馬有咩搞作？
原來除左光繪同星軌之外，兩部機微距都好掂，G16 近到鏡頭前 1cm 都影到，
真係想幾清有幾清，用來影食物就最正！
有無下一場？有定啦，咁好玩點可以俾佢停？！
Stars Hunting 活動陸續有來
過左開心嘅一晚，兩部機玩左咁多玩意，又有靚相拎番屋企，係咪好想要番部呢？稍後仲有其他 Stars Hunting 活動陸續舉行，只要去 Canon「Stars of the Night」網站留意時間及日期，就知邊度有得試 G16 同 S120
影星軌同光繪喇！ 如果入左手嘅用家，不妨帶埋部機去，現場仲有人教你點用，一齊開心 Share ！而下一站活動地點會係赤柱舉行，有興趣嘅朋友記得早啲入去準備喇！
| Stars Hunting 赤柱活動詳情 | |
| 日期： | 10 月 31 日及 11 月 1 日(星期四及五) |
| 時間： | 6:00pm- 10:00pm |
| 地點： | 赤柱大街 |
活動網址：www.canon.com.hk/powershotstars
查詢：3191 2333
[資料由客戶提供]
