有朋友對我說，人地諗住一生人完成一次馬拉松都算是了個心願啦，點解你仲要繼續跑呢？我心諗，點解講到跑馬拉松好似就係終極目標咁嘅？！其實，世上還有很多超級馬拉松(ultramarathon)等住我地去跑的，一般而言，距離長過標準馬拉松(42.195km)嘅賽跑就可以稱為ultramarathon，通常係50km、80km、100km、160km..... 而上星期剛剛完成嘅Hong Kong 100 Ultra Trail Race就正是ultramarathon，我真係好想好想好想參加架！100公里係好似長咗少少，等於一次過跑兩個半馬拉松，最top果啲都要跑十幾個鐘頭，我哩啲中游分子就要廿幾個鐘，唉！講到我腳痕痕㖭！你睇，其實是跑無止境的，不要讓自己停下來呀！繼續向更高的目標進發。攝影操練亦然，互勉！

上圖是一對與我一起出生入死的戰靴，它伴我走過接近800公里的路程了，大概從東到西跨越香港8次（真係好抵著;-)），我對它的感情更甚於對我部5D呢！三舊幾水的它更勝千元靚鞋，所以，只要適合自己，DC仔也能拍出好作品的。雖然我這對戰靴現已退伇，我也沒有把它放棄，卻把它清潔好，好好收藏。

我們放棄，是因為沒有靚跑鞋嗎？是因為路程太長嗎？不是的，只因我們自己不想跑下去。

〔註：發表作品攝於04年樂施毅行者正日，乃夜行麥理浩徑第四段時的自拍照;-)〕