通菜街（英文：Tung Choi Street）係香港九龍嘅一條街，響旺角彌敦道東面，向北去到界限街，向南去到登打士街，全長1260米，係香港一個出名嘅購物區。通菜街以前係通菜田，所以就有呢個名。

未有通菜街之前，亞皆老街以北係舊芒角地，以南係舊何文田地，地同田都分屬呢兩條村。之後政府發展呢帶兼起街，1924年8月29號政府憲報叫佢做通菜街，同一批有黑布街，洗衣街，西洋菜街，東方街，同染布房街，都喺佢附近[1]。