謝謝點閱,
打蝶都有四年了, 從未試過今天的開懷歡笑, 精彩不在照片的好與壞, 而在各師兄師姐們的
投入和歡愉, 亦從未有過大家同心協力去弄蝶, 而這隻蝶, 叫窄班鳳尾蛺蝶,
她出奇的不怕人, 唔只係唔怕人, 簡直係去纏住一個師兄, 從飛在他的鼻上開始(當時真係好搞笑, 但沒人拍照,
因為怕師兄不高興), 不停的以師兄為中心的飛, 師兄好大方, 還搞氣氛的去弄蝶在他身上, 蝶兒不知幾聽
佢話, 任佢舞都唔飛走, 我少見識, 真係第一次親身見到咁既場面. 都後來來了一家人, 一個可愛的小男孩
見到咁環境大叫好開心, 那師兄還教他去接觸隻蝶,稍後小朋友還親自出馬去弄蝶, 做model任影, 我還笑佢小心今晚發夢見到隻蝶添, 最後隻蝶飛在水面上, 一個師兄還來個低抄姿勢, 可惜我張記憶卡滿鬼左, 隻蝶
再纏住個靚女都無得拍! >_< 某著名機構調查全世界有13%人均在痛苦的生活中, 而我地香港竟然較世界人均還要高1%, 14%活在痛苦中, 好駭人. 希望我地香港人快d衝出陰霾, 我地要開心d, 就好似今天既師兄師姐們為一隻班蝶那么激動, 開心都可以好容易!