今天去了上環影文武廟, 之後去到附近樓梯底搵到添伯吹水,
我:「喂, 呀伯, 呢到D揮春好靚喎。」
添伯:「係呀。」有點冷淡。
我望多兩望:「可唔可以影下相?」
添伯:「無問題,隨便影!」見到自己作品有人欣賞有點開心。
我終於按捺不住:「你好面善喎,你近排係咪上左報紙?」
添伯:「嘻嘻,係呀係呀,我上左報紙」佢已經笑到四萬咁口!!
我:「你可唔可以比我影幾張相。」
說時遲那時快, 添伯已經沖入檔口拎起張剪報擺定POSE比我影,
(咁聽話既MODEL真係比錢都未必請到。)

吹水期間留意到添伯一直用盡九牛二虎之力切紅紙,
我雖然有少少想幫佢, 但我知道佢其實享受緊個過程,
因為唔洗做就有作品,學添伯話齋不如用電腦PRINT。
呢一刻我覺得添伯好幸福,因為一個男人到左88歲都可以堅持做自己喜愛既興趣絕對是一件令人羨慕既事。

添伯,你一定要身體健康!

http://www.youtube.com/watch?v=y_yFaozh0sw