在居住地方付近，有一個小小公園，住咗一些流浪貓，有時路過也會見到兩三隻休閒地散步或曬太陽，間中都會帶些干糧或罐罐給小浪浪。

日前再路過，見到大約有十個小朋友在等待的樣子，好奇心驅使下走入公園看看，影影，後來得知，小浪浪每天在指定時間，都會等待一個婆婆來餵食，另外還有一位嬸嬸幫手。

攝影其間，見所有小浪浪突然跑向同一方向，原來婆婆嚟到，眼見婆婆年時已高，撐著拐杖，拉著購物車，帶來干糧，罐罐，還有婆婆親自泡製的新鮮雞胸肉。

婆婆好好心機，分配不同的食物，配合每一個小浪浪的口味，小浪浪都安靜地等開餐，閒談間，婆婆話每天一早就在付近餵小浪浪，風雨不改，婆婆話：『佢哋好可憐架，你估佢哋想做流浪貓架咩，佢哋無得選擇，我哋做人嘅，幫得到就幫吓佢哋啦！』婆婆非常慈悲，婆婆並且透露，自已的生果金，全部都是用來買貓糧，聽到之後，十分感動，所以打算日後都幫忙婆婆照顧小浪浪，在此祝願婆婆身體健康！