來到羊角島酒店,吃過晚飯,菜色一般,但泡菜不錯.行出大門黑麻麻,惟有上房吧,兩日都晚睡早起有些頹了!
酒店又是座落大同江的沙州之上,樓高43層,一千間房,有8部電梯,其中兩部觀光梯.號稱特級酒店,房內是中國三星的標準.推窗但見還有一些燈火,便架起腳架拍了主體思想塔的照片.
一早起來,但見晨曦不錯,早餐有多士煎蛋,咖啡紅茶,白粥糕點.吃飽又出發,停車場二三十輛旅巴,全是現代和金龍.主要是同胞團,也有不少洋人呢.我們的行程較冷門,到東部金剛山旅遊區.
我們的導遊是靚女(朝鮮語:依包油)小樺,大學漢語系:副導遊金小姐,大學英語系,佢哋知道香港人普通話好普通,隨時可用英語溝通咁話.另一位小生金仔,21歲的大學實習生.帶領我們一行34人五天遊了.
講到呢度,大家係唔係好想知有冇人身自由同可唔以影相呢?嗱!人身自由在景點內係絶對有,超出咗就....?影相係我強項,不過要聽導遊講:領袖相要影全,唔好斬件,軍人唔好影.你見我咁多相就明啦.
上午到咗朝鮮三個王朝之一的東明王陵,仲經過一個服務區,水庫邊靚到暈,有休息區和茶座小賣部,廁所有舊有新,新建的超豪寬敞,五星級好過酒店多多.中午到東部海濱城巿仁山,很是整潔,一路金杏秋色,海鮮午餐.正!