最適合這個天時飲用，潤肺去燥，減少kem kam聲，唯寒咳者勿用。（粗略而分由痰知熱寒，熱咳者痰液由青至黃色，寒咳者痰液只是如濃稠唾液一樣）



１）用料（合一家四口，唔計貓狗...ccc...)

雪梨四個，豬骨一斤，雪耳兩朵，南北杏一兩（約四十克），蜜策兩粒 ，果皮一角（亦叫陳皮）。



其實大部份材料份量多少不用太執着，只要注意南北杏及果皮。

南北杏有微毒不可過多，果皮太多則湯苦。



２）預備

雪梨洗淨，切四份留皮去芯，

豬骨洗淨，用滾水煮三、五分鐘，這樣除去血水，可使煲好的湯水清澈明亮。

雪耳先用清水浸泡十分鐘，再切細及去除中心深黃色硬梗。



３）烹調

水量隨意，未有經驗者用水宜蓋過所有用料再高三、四厘米為妙。我愛等水滾後，一併加入湯料，然而在冷水加入所有準備好的用料然後慢慢煲滾亦無分別。

水滾後猛火煮五分鐘，然後用細火慢慢煲三小時。用鹽調味，即可享用。



４）分享

那就試一下煲比心愛的人飲囉(包括屋企人架)，未有LOVER就錫下自己，煲比自己飲。

仲有仲有，呢度有幾位小朋友可以同媽咪一齊煮，小心利刀和滾水，一樣得架。

喂！我自己識煲，唔駛整比我飲喇^_^





夠搞野喇掛，我總覺得自己整野食叻過影相。WaHaHa ^_^