講開heavy metal。。係N年前，我哋幾個舊同學係波樓篤波。其中有一個忽然走來問我攞意見，話想買套hi-fi聽唱片。我一直都唔知佢有聽開唱片！咁、我就問佢 arget係幾多同主要係用來聽什麼歌。佢話都係聽啲Rock嘢咁啦，jimi hendrix，iron-median，pink floyd呢啲，兩皮左右，最緊要唔好"拆"聲夠勁！我聽見佢講﹝jimi hendrix同iron-median﹞愕一愕然望一望佢就推介佢買"安橋合併amp"+"JBL"+"oracle"盤。兩個星期後佢call我上佢屋企聽吓套嘢。佢住屋邨，未到佢門口係條走廊尾就充滿咗iron-median啲怒叫聲。入到屋睇吓佢套嘢同我推介差不多，只唱盤唔同。同佢傾咗陣計，佢話己辭工冇做嘢，每日聽唱片，呢個月三廿歲，【成三廿歲人。。。唉】呢句係我第二次聽佢講，亦係最後一次聽同見佢。嗰日之後就冇見佢出嚟，半年後連電話也連絡不上，亦再冇人見過佢。『成三廿歲人。。。。』我到現在都唔明佢發生咗什麼事？？三廿歲。。。。