真係希望永遠長唔大, 永遠擁有一份童真的心, 幼稚是多么的珍貴, 只可惜在成長歲月中確實難以返樸!



都係自己八卦好事之過. 前幾日細孖發生的事令我大感興趣, 點知原來自己都有份. 我雖然喜歡攪攪震, 但並冇惡意架, 又唔係想出風頭, 只不過想大家開心Happy D啫! 如果有失言或做錯得罪咗各位師父師兄師姐, 請大仁大量唔好怪我啦! 並唔係想節外生枝架, 本來可以粒聲唔出, 內心鬥爭咗好耐, 好冇揚出嚟呢? 好冇揚出嚟呢? 唔揚又怕有人被冤枉…. 好啦C就C啦. 曾去過Pangonon師父處留咗以下D說話, 但轉吓頭就俾佢删除咗, 一於有佢講冇人講. 唔想累人, 冇計只有在呢度登番完文, 保證全文冇加減調色PS架!



彭師父,

我來自首的! 對唔住, 我入來先知原來我之前都有投過你票.

既然你係都要硬把投人票說成煲票, 我唔讚同, 但個名又幾得意, 可能你又做慣, 好啦為咗你開心就跟你叫煲票啦! (其實真正煲票又使乜現身咁麻煩吖, 係投票位度係咁Click咪得囉, 咁蠢! 有時心情唔靚我投票都唔現身啦! 現身無非都係想俾被你投票的人知道你投咗佢一票啫, 你估人地現身係俾你睇呀, 傻豬!) 我須然唔認識細孖她們, 但你講個D煲票特徵我都有齊喎! 我同細孖都好相似. 我都係同幾個Friends無聊一同sign up既, 只不過他們低調D我就揚過楊過大師父. 各有性格嘛! 正如你D脾性都特別與衆不同啦! Signed up 左梗係第一時間玩投票啦, 唔係sign up嚟做乜?



真好笑, 如果你番說話俾DC Fever班高層睇到實激死佢地, 我估每日係呢度Sign up嘅人點止幾個呀? 可能幾百個呀!你睇每日on line嘅都有幾千人仲未計嗰D排極隊都上唔到嚟嗰D呢! 我都試過好多次試極都上唔到嚟啦. 上嚟唔一定要貼相先叫做存在嘅! 你估個個都係發燒友咩! 邊有咁多相貼吖? 天色唔好有D師兄要翻柜桶底呀陰公! 我都係有位師兄(不爆他名字)不斷鼓勵叫我才貼相咋! 好多Signed up 咗都唔現身啦or齋睇相or幾吓就閃咗人你又知咩? 人地有自由架嘛, 咪咁專制啦! 仲有呀, DC Fever打開門口靠人頭做生意架, 咪猛禁製造白色恐佈趕走晒人班客呀! 咪講得人地廖廖可數咁可憐啦, 衰鬼! 如果日日都係原班人馬係到莆咁就大吉利是囉!



我睇番先知原來各路人馬個個娃鬼都不約而同咁一Signed up就齊齊整整咁踎晒係Rogerwan師兄嗰張靚女相度猛咁鍚, 原來我都有份架, 鬼叫佢張靚女相影得咁鬼C靚咩!不過唔好冤枉佢呀! 包括其他我有份投過佢嘅師父師兄師姐, 對唔住呀! 其實 我都唔知點解咁啱架, 請你真係唔好立壞心腸啦!



我D相resized左都係冇晒Exif既, 我都問過D師兄架, 但窮又唔捨得冇計! 你估個個好似D師兄師姐咁專業有software back up咩? 我地玩玩吓之麻, 使乜咁認真喎! 邊個師兄師姐唔係影花影蜜蜂影蝴蝶影馬騮影風景吖? 香港有幾大喎? 我夠成日問D 師兄師姐點解個個D小翠, 白LU,麻雀風景都一樣? 背景站姿都一樣? 不過佢地唔答我之麻! 唔通你話佢地個個都係複制人? 你咁講係人都慶啦, 唔鬧你有鬼咯! 咪咁疑心重啦!



我夠有好多師兄師姐煲我票啦! 你估我D爛鬼相真係值咁多票咩! 人緣好開心D 咪多人投你票囉, 亦都唔表示我張相影得靚格! 我投相都會投D有美德嘅, 就算你D相靚到砰砰聲但早知人品咁差我都唔會投! 如果叫我每個貼相的人都投佢一票先叫公平, 咁我又做唔到喎, 人有偏愛同自由架嘛! 選舉都冇理由要選民規定要向每個參選者都投一票啦!

好似我咁, 好Buy Dankyu師父, 波仔師父, 靚蝦后師父, Din Sir師父, 大傻師父, Martinyk2師父, yk師父, Yeungkwo師父, Cable711師父,等等還有Loting師姐等…… 我時常等佢地D相嚟投架, 有時直情Hold 住佢地個A/C嚟投架, 唔見佢地有相貼就會好失望, 就好似佢地D Fans 咁麻. 不過你咁古板, 我估你都係唔明架啦! 只不過大家煲來煲去真係好開心加麻!



煲票又唔可以當飯食既! DC Fever又唔會因邊個多票而選佢, 你估DC Fever佢地盲架? 我地成班係佢樹蔭下面玩之麻! 使乜攪到D氣氛咁壞喎!你唔低得咪當睇我地唔到囉! 唔使眼紅格! 如個唔係我地呢班人玩煲票可能你一票都冇呢? 邊個師兄師姐夠膽話佢D相值幾多票吖? 所以你應該多謝我地至啱! 個個係呢度貼相睇相投相都係求開心求分享求學習啫, 你估真係求每日之選呀? (你我就唔敢包!) 好多師兄師姐D相都靚到暈都冇當選啦! 都係大家Happy之嘛! 如果要求名求利就唔會浪費時間踎晒係呢度咁儍啦! 係DC Fever都係一家人, 大家無分彼此嘛! 講什么逃兵咁委屈咁偉大吖? 依家係你屈人呀! 話唔定轉吓頭又Sign up另一個A/C嚟玩過. 話唔定你手上已經Held住大把A/Cs呢? 通常D人自己咁做才會咁猜疑人. 唔好嬲呀, 我都係學模仿你段估咋! 你估你係CIA咩, 疑心咁重! 開心D啦! 呢排D天氣咁差, 你咁樣好容易谷病架, 攪到精神分裂就唔好啦! 仲有呀, 人地細孖班人約你出嚟澄清你咪赴約囉, 仲有呀, 人地細孖同你頂咀嗰兩段我先前見到架, 跟住就俾你刪咗, 但佢讚你嗰段你就留番, 你真係吖………. 唉, 我都唔識講嘞 ……….. 依家攪到我都唔知投唔投人票好? 又驚害左人, 你好衰架!