斗轉星移 周而復始

攝影熱誠 永不休止



之前我係討論區問過各位師兄師姐，有冇邊部DC或DSLR可以support超過1小時既曝光，當時已經即刻有人估到我想影star trail。首先好多謝各位既解答，但之後我諗，唔通我每影唔到一D相就走去買部機? 冇可能的，唯有攪下腦汁，諗下有冇方法可以突破器材既限制。後來諗到喇！於是就趁尋晚有時間，個天又冇雲時走去實踐自己諗出黎既理論。



但經過尋晚之後，我開始覺得自己係癲的。



一個人坐係度食足兩粒幾鐘西北風 + 牛咁眼盯住個2.5" LCD + 按足百幾二百次快門 + 返到屋企後仲要用PS重疊180個layer = 先得果一張作品咁大把。D人用傳統大機，set好腳架按一下B快門然後輕輕鬆鬆行開行埋再返黎關快門就做到既野，我就要付出多幾百倍既辛酸。不過，至少證明我既理論係work既，雖然效果未盡完美，有左今次經驗以後我會再改善。



大家不妨睇下效果如何? 敬請指教。



Merry X'mas and happy new year!



主題歌曲：星夢情真 - Kelly Chan