今日終於買左D70s，雖然D80快將發售，但係佢個spec唔係非常吸引（吸引到非買不可果隻），其次，自己一早都係想買D70s，所以話知佢D70s有可能會D80推出後跌價，總之自己認為而家啱價就買左佢．



而家一路用緊老婆個姐夫部350D（佢真係好好人，部機係佢個仔買比佢o既禮物，佢用都未用過就借左比我兩個幾月，變相自己要用二手機），佢借比我影啱啱出世o既仔仔．350D個noise control真係perfect！影人膚色又自然，反應又快，menu又簡單，真係一部好好o既入門DSLR．



不過350D個畫面比較柔，自己就鐘意sharp D，而且間唔中會out focus（已經set左單點對焦），自己覺得佢個AF比較難掌握．今日試過部D70s ISO set去1600，noise並唔係傳聞中咁嚴重，可以接受，咁當然唔及350D，但係畫面同色彩真係sharp好多，比較合自己口味，而且機身手感比較實在．好彩用左部350D咁耐都未跌過機！



今後真係要好好研究學習，盡量發揮自己部機o既性能，同埋支認真唔錯o既kit鏡，唔好浪費左Nikon o既設計，同埋自己o既銀兩．