相信影過《青馬橋》的 師兄 都知道.......路程真係唔簡單！

.

我以前去過影《青馬橋》兩、三次，

首先要在 長亨? 行上去《青衣自然徑》，

經過 一段又一段 上上落落 的 行山徑 之後，

去到 觀景亭 再穿越 鐵絲網，

再從 引水道 向下行，

直至理想的拍攝位置.........『護土牆』！

全程既辛苦、又浪費時間，

但見過其他 師兄 影的《青馬橋》實在好靚，

咁辛苦都係值得的！

.

不過，

近年我一直考慮緊另一條更慳時間的路線，

就係........從《護土牆》以下的 快速公路 下車，

利用依《護土牆》而建的 鐵梯 續級爬上去，

(呢 d 鐵梯 勁斜 o架！)

終於，

呢個 idea 在前日實現了！

.



.



.

首先，

果日天氣好晴朗，

而且吹東風，

可以將空氣內的 懸浮粒子 吹回 大陸，

所以能見度好高。

之後，

我 call o左 兩個 friend 幫手，

一個要做我司機，

一個要做我助手。

(其實係要佢壯膽)

.

我個 friend 係 駕 貨 van 的，

車到去《護土牆》以下的 快速公路 後，

在 鐵梯 附近停車，

我與助手就好似 飛虎隊 咁慌忙下車，

因為怕比 青馬管制人員 見到，

說時遲、那兒快，

我地經已爬上 鐵梯，

貨 van 也 絕塵而去。

我與助手急速地爬上四段 鐵梯 之後，

手軟腳軟了！

.

原本想上多兩段，

但係眼見助手冇意思再爬，

唯有放棄，

當時我地站立在《護土牆》的拍攝高度大約等如 十幾、二十層樓，

行程大約需時十分鐘，

相比 長亨? 果面入 o黎.......呢度快好多！

.

好啦！

我與助手 開始影呀~~~~~影！

影飽之後，

我 call 司機返番去原先下車處接走我地，

點知在上車時被交警發現，

截住我地查問，

『你地 o係 度做乜呀？』

『阿 sir，我地 o係 度影 青馬橋 呀！』

『 青馬橋 有乜好影呀？』

『阿 sir，今日難得吹東風， 青馬橋 好靚 o架！』

『唉！ 呢 d 學術 o野 我唔識！』

『阿 sir，真 o架！ 比 d 相你睇 o下 丫！』

『唉！ 唔駛啦~~~~唔駛啦~~~~！ 快 d 走啦~~~~~~~！』

.

Oh~~~~~！

好在 阿 sir 比機會放過我地，

如果唔係.......抄牌又罰錢，

各位 板友 千祈唔好學我咁傻呀！

.

技術所限，

呢次拍攝的《青馬橋》只得兩幅相見得 o下 人，

見笑見笑！

.

試 o左 兩個唔同的色溫設定，

唔知邊幅靚 d 呢！？

----->>>

.



.