99%新淨 Rstudio 4絞 6N冷凍 單晶銅渡銀 3.5mm mmcx 耳機線,百分百操作正常,銀白色線身極有格調,線身非常非常之柔軟,零聽診效應。今年6月尾在Rstudio購入,原價$1580(見圖冇老點),因玩熟左,老細阿Rio例牌打小小折,$1400購入加送威寶插頭,有盒(見圖)冇單(唔好問點解,因老細從來唔開單的),有兩年保用(見圖有跟保用卡)。
本人player用fiio x7及LGV10,另夾SE215及SE846玩左此線兩個月,此線特性屬高清帶中性聲底,人聲特出,高音不冲不剌,低音有質但量較小,整體屬性算係易夾機帶監聽味。
當然以上純為個人聽感,可能你套架生玩落又另一種味道,真係好多嘢要玩過先知。有興趣朋友可自行去舖試聽AB下先,因始終好睇個人口味,耳聽為實,啱聽啱價嘅再揾我。
如購入後另想換插頭或耳掛頭可自行去RStudio跟進,一般20至30分鐘内可完成。連工包料收百五至三百內,視乎想換咩料,日後有保養維修問題亦非常方便,因始終在旺角有舖頭有師傅直接跟進,本地名牌,信心保證,好過玩雜家嘢有事冇人跟。
去完音響展即刻又身痕想换線换聲底,所以55折平售,現價己經輸位有限。如考慮清楚及真心誠意購入之朋友,可留電作whatsapp確認,有留電者優先,交收以西鐵原綫站內為主,其次美孚地鐵站内也可。