首先要識分新款機同舊款機，圖1上邊2部係舊款3Ds/3DsLL ，圖1中間系新款new3DS/new3DSLL。新款機上Mon中間鏡頭旁邊有個黑色圓點，係3D效果仿抖動傳感器，舊款機冇，請對比圖1左下。新款機XY制旁邊有一個細蘑菇，舊款機冇，請對比圖1右下。請留意有賣家出售N3dsLL機，此時佢可能想表達係Nintendo 3dsLL舊款機，並非new 3DSLL新款機。

原廠全新new3dsLL，跟機有外紙盒包裝，說明書保用證，AR卡。全新機有4個號碼係一致。請睇圖2從上到下分別係:說明書保用證號碼，主機底部號碼，主機底殼號碼，主機本體號碼。其中主機本體號碼係系統加密，冇可能做假。買機一定要對齊4個號碼。原廠配送AR卡，係贈送遊戲增值，原廠服務器加密，冇可能做假，如果AR卡拆開使用過，就有問題。

全新機肯定係完美，首先禁下每一個制，試下手感，全新機每一個制手感相同，二手機AB用得多手感會軟點。第二睇外表冇一點花，更加唔會有跌痕跡，打開手賬，使用總時間非常短，如果顯示使用時間都幾十個鐘頭，我唔信係全新機。第三甚至你可以輕微聞聞部機，有冇異味，如果係二手維修過，會使用清洗藥水，鬆香，如有咁樣的味道，請堅決唔好賣。

全新機充電位冇氧化，冇入塵,二手機可能已經氧化(睇圖3)

全新機左邊蘑菇係完美冇花冇變色，二手機差別非常明顯。(圖4)

全新機右邊蘑菇都係完美冇花冇變色，二手機使用過一定有痕跡，甚至變形。(睇圖5)

曾經我未賣細機，有客7月10號自己去買左部全新細機俾我裝A9系統，有鋪有單。經過我檢查部機蘑菇有輕微指甲痕跡，底部有輕微花，我一睇就知已經使用過，或者係陳列機，所以有鋪都未必100%買家自己要做點功課，自己識辨認全新機，就算唔同我買，我都希望你冇使冤枉錢。