Fault：台灣暑假之旅 (2011年版)

相信很多人都到台灣旅遊過，有乜特別呀？其實真係無甚特別，只係想係度分享吓今次去過一啲自己認為適合一家大細而又可以比大家影吓靚相嘅地方。

今次主要遊走台北同近郊嘅地方。首先係一個係新竹嘅生態渡假旅館，名為六福莊，旅館房間面對動物園，當打開窗就可以見到長頸鹿、犀牛、斑馬、北非髯羊、環尾狐猴，紅鶴等動物。我們的房間正正就是長頸鹿的高度，所以每天黎明時分（係清晨五點幾），長頸鹿都會做咗叩窗鬧鐘。

旅館後面係另外一個野生動物園，園內有獅子，老虎，不過係冇大笨象嘅。另外仲有黑熊，鴕鳥，小馬，野豬等等等等...

隔鄰嘅六福村主題遊樂園有啲似香港嘅迪士尼加海洋公園，有刺激遊戲，又有啲動物睇吓，玩吓玩吓都可以消閒一整天。

新竹之後我們去了宜蘭，有兩個值得推介嘅地方，一個係國立傳統藝術中心，另一個係宜蘭國際童玩藝術節。時間許可的話，應該兩日都玩唔完。

國立傳統藝術中心：

宜蘭國際童玩藝術節：

宜蘭住宿嘅地方係一間係山上面嘅悠閒渡假農莊，每晚都有一系列嘅活動，例如打木陀螺比賽，整湯圓，放天燈，觀星；日間可以上樹屋，行獨木橋，到果園觀光等等等等。

回台北市途中，除咗經過一個類似東平州嘅野柳地質國家公園之外，還途經三芝一個小地方，一個可能好多香港人都去過影結婚相嘅地方，叫石門婚紗廣場。雖云叫婚紗廣場，但係無須付費，呢度除咗影結婚相靚之外，其實影家庭相，日落相都好正。

回程台北，住上一間奇幻旅館，其實係汽車旅館（Motel）。呢度特別之處係每一個房間都有一個主提，我地就住上大力水手同西城故事房間，佢地仲有蜘蛛人，加勒比海盜，屠龍傳說等不同特色的房間，室內設計特別外，設備亦齊全，有Sauna同Jacuzzi，同小朋友玩完一整天，回去浸浸亦一樂也。房間的每一個角落亦可作為影Studio相backdrop。可謂一物二用 :p

大力水手房間：

西城故事房間：

希望簡單（都幾長吓，請見諒）嘅介紹可以幫助大家下次遊走台北時可以有一點新體驗。