澳門明信片計劃 氹仔石灘日落篇
今次要為大家介紹嘅地方就係氹仔石灘，由澳門嘅舊橋／西灣橋出發，一落橋就見到。
呢個石灘其實係一個影日落嘅熱門地方，但好多人只會係石灘旁嘅圍欄後影，所以我今次就試下落去石灘到影。（記得注意安全，上落石灘嘅時候始終有危險性）
Ps: 其實呢一日我５點幾先醒，果時仲係到尤疑緊出唔出去好，最後見咁好天當然出去囇下部相機啦（利申：冇防潮箱）
大家有興趣可以folloｗ我嘅Page: https://www.facebook.com/shinodaphoto
石灘對出嘅景色，可以望到兩條大橋。望向對岸，好多建築物都係賭場酒店。
晚上７點，太陽依然好大，呢個時候我揺左人生嘅第一次黑卡（笑）
之前只會普通咁影，跟住番屋企將暗位推番光佢，以前就係咁懶...
相隔十分鐘左右，天色已經變藍，雖然冇好壯觀嘅火燒雲，但呢隻藍色的確令人感到舒適。
鏡頭轉向另一邊，原來太陽仲未落山！的確，我上一張只係借角度而已。
在石灘路上，只見到3個人在附近，唔知其他人會去邊到睇日落呢？
太陽依然不肯離開，前景的石頭為水的倒影令這風景生色不少。
開始潮漲了，較淺的地方都進了水，形成一面天然的鏡子（天空之鏡？）
番到屋企先發現，旅遊塔嚴重歪了！！！（鏡頭變形不會咁嚴重吧...）
最後就來一張西灣橋特寫吧。唔知幾時會在咁好天呢？
謝謝觀看。
題外話：
新簽名檔有冇好過之前呢？
對於我黎講，打Blog嘅難處就係打字！本人用手寫板的。嗯，我會學打字的了。
對於我黎講，打Blog嘅難處就係打字！本人用手寫板的。嗯，我會學打字的了。
仲有執相！一次過執好多相嘅時候好易會有審美疲勞。
你地又係咪咁呢？
