去旅行 要識揀！酒店格價網大比拼

「同一間酒店，同樣的體驗，但係兩個唔同的價錢……」最近，電視機成日播住哩個洗腦廣告，搞到小編入哂腦，究竟個廣告講啲嘢堅唔堅呢？

其實，間間旅遊網站同間間酒店的關係都唔一樣，又或者唔同的旅遊網站可能喺唔同時期有優惠，所以就會出現咗同一個時間的同一間酒店喺唔同的網站，有唔同價錢的情況出現。而作為精明的消費者，訂房的時候價格當然非常重要，所以就衍生出哩啲酒店格價網喇！但哩啲酒店格價網並唔會提供訂房的服務，只係會幫用家喺眾多旅遊網站入面搵出價錢最平的網站。咁除咗廣告入面講果個酒店比價網之外，想格價又有無其他選擇？而家就嚟個酒店格價網大比併，睇下究竟酒店格價去邊好啦！

比拼一：基本資料

雖然 Trivago 聲稱合作旅遊網站數量係三間入個最少的，但聲稱呢家嘢都唔係咁可以作準，加上Trivago 的篩選條件較多，顧客可以直接用評分、價錢、酒店設施甚至顧客的個性喜好作出篩選，連歡迎同性戀者都係一個 option ，細節位做得咁貼心，抵加分啦！而喺貨幣同埋語言選擇方面，Trivago 都有較多的選擇，所以第一 round 小編就認為係 Trivago 嬴喇！至於邊個網站有最多酒店，就要測試下先知喇！

比拼二：測試酒店數量

個個比價網都話自己有幾百萬間酒店，究竟堅唔堅？喺唔設定住宿條件的情況下進行搜尋，咁先掌握到各酒店比價網資料庫入面所收錄的酒店數量。

喺哩個測試結果中可以看到喺酒店數量方面，Trivago 喺亞太地區係略勝一籌的，但喺歐洲地區Hotelcombined 顯示出的酒店數量就遠遠拋離其他酒店比價網喇，而澳洲方面就大家都差唔多！咁如果大家去唔同地方旅行的時候就識揀唔同的酒店比價網啦！

比拼三：測試酒店價錢

哩個測試的目的係檢測搜尋出來的最低價格，會唔會因為合作伙伴多寡而搜尋到較低的價格呢？以下的測試係以三個酒店比價網都可以搜尋到的五間唔同地方的酒店，將搜尋條件設定為：2015 年 8 月 1 日（星期六）check-in，2015 年 8 月 2 日（星期日）check-out，一間房間兩個大人入住（進行測試的時間係 2015 年 7 月 2 日夜晚），睇下係咪真係「同一間酒店，同樣的體驗，但係兩個唔同的價錢……」？

(價格可能隨時間浮動)

測試完連小編都驚訝，原來唔同網站得出的價錢差別可以咁大！但唔同時間唔同網站的唔同酒店可能都有唔同優惠，所以小編都唔敢講話實邊個比價網站得出嚟的結果一定係至抵！之不過喺哩個測試中可以睇到 5 個地方入面， Hotelscombined 有 4 個地方都有比其他比價網低的價格顯示（以上 3 個網站均綜合房價連稅項顯示），所以喺哩個測試入面係 Hotelscombined 羸咗！不過都係果句啦，沒有最抵只有更抵，建議大家喺搜尋酒店時，可以喺唔同網站都搜尋，先可以增加搵到更低價格的機會啊！