【尋石之旅】香港花香爐
屯門花香爐奇石處處，花崗岩之多，令我諗起九徑山同南丫島。最近大家都去睇十字星石，我地趁週末都黎個久違既尋石之旅。
地區：屯門以西、龍鼓灘
特點：豬仔石、十字星石室、麵包石、大峽谷地形
景色：6/10
難度：5/10 (距離短約4km，大量浮沙碎石路，適應須經驗、技術)
危險：4/10 (浮沙碎石上易滑倒)
路徑：
1. 龍鼓灘 > 龍鼓上灘劉氏宗祠後入山徑 > 豬仔石+十字星石室 > 花香爐頂 > 大冷溪麵包石 > 花朗古道 > 龍鼓灘 (本次路徑)
2. 於大冷溪可繼續走上青山山頂(583m)(+3km) 或 走月牙谷到菠蘿山大峽谷(+2km)
3. 所有路徑可逆走
抵達方法： 屯門西鐵站乘K52到龍鼓灘總站下車
_____________________________________________________________________________
睇左好多個資料都冇講，原來十字星石同豬仔石係同一堆石，豬仔下就係十字星。 見豬仔石第一眼其實唔似，要非常水平既角度就似，係側面水平睇最似樣。
同場加映，香蕉石，命名by Jowy。
十字星行出去好有難度同危險，唔建議大家出去，喺前面影都夠靚啦。 大家記住，背住崖邊影相係最危險，一定要睇左腳位先好郁，千祈唔好退後行！
Jowy好鐘意幫人影相，但好少叫人幫佢影 ＃影黎只會sad
再講一次，唔建議大家出去❌，我自己都冇出～但Maggie話佢係蜘蛛俠...Fine
比豬仔石像真度更高既方包石，完全就係片片方包。
佢喺大冷溪既河道入面，同十字星石室有段距離，中間會有青山腹地經典既浮沙碎石路。 臨落澗一少段路難道最高，根本就係滑梯。
睇完豬仔石、十字星石室、方包石，可以繼續行去青山／良景，睇埋青松紅壑／大峽谷等景色。 我地輕鬆攝影之旅就行平緩既花朗古道出龍鼓灘。
豬仔石同方包石之間係花香爐峰，落大冷溪搵方包石前會經過e個巨石門。左邊o個舊叫猿人石。我覺得叫巨石門更合適～哈哈
有時候只要有個藍天就很快樂
每次見到沙地+蕨類植物(疑似)就會諗起墨西哥 <其實未去過>
細個鍾意睇地圖，搭車時又鍾意問e度邊度黎。而家就到番自己分享行山遠足既所見所聞，認景色地標基本得黎其實好有趣
今次輕鬆行都影左唔少相，用一個video作總結啦～ 後段仲可以窺探青山腹地，如果喺入面迷路真係幾難搞＜Yoyo同Sophia跟住Jowy冇有怕系列＞
想知我即時動向 就follow IG story啦 :)
Instagram: https://www.instagram.com/pixsoulhk
如果唔想錯過我地嘅post, 可以follow我個page搶先睇嫁 :p
Facebook: https://www.facebook.com/pixsoulhk
Website: https://www.pixsoulhk.com
