【富國島浮潛、跳島一日遊】
富國島係越南西南邊對開既海域，約有五九十平方公里，係越南境內最大既島。小編最推薦富國島既活動就係跳島浮潛，因為外島較少污染、水比較清，可以見到唔少色彩豐富既珊瑚、仲可以同魚黎個親密的接觸。
今次參加左【富國島：3島全日浮潛之旅】，真係超級抵！！
只需港幣$256，就可以由朝早９點玩到晏晝５點、去３個小島、包南部酒店接駁同埋午餐，仲要冇強迫性購物點，真係物超所值。佢亦提供其他酒店接駁服務，不過另收附加費，如機場對上既長灘酒店，就大概USD5/人。
出發前，教練會送上一枝1L水，清楚用英文介紹富國島既水域，講解當日行程、注意事項同安全指示，聽唔明英文都有圖可以參考。
船上有浮潛用品同救生衣租賃，大家只要準備好泳衣同毛巾就得啦，十分方便。
小編今次去左May Rut island，Fingerl Island 同 Dam Ngang Island。好鐘意呢排棷樹～增添左度假既氣氛。
玻璃水、珊瑚礁、沙灘、赤岩，淨係呢到都夠玩成日。
呢個天然赤岩好正呀！
富國島既水底雖然唔係頂級，不過愛大自然既人係唔會錯過每一個大自然體驗。
教練好好奇點解人人落曬水 Jowy仲未落；因為要影底靚靚既風景同大家分享。同埋中午暴曬既時候都係放航拍既好時機。雖然後援既維修師傅話電池過20度好易壞，不過工具係要黎用既～哈哈。
午餐時間啦～比想像中多野食，估唔到個tour咁平都有蝦同魷魚，而且味道都唔太差，係ｄ飯硬左d。
船家大概會係第二個島既時候拎出是日海鮮，大家可以自由選擇，一d都唔hard sell，仲可以影相。好可惜當日冇海膽，所以小編就加左港幣１百蚊買左８隻貝殼類（有隻蠔、帶子，其他唔知叫咩名～哈哈）。
唔識游水既朋友亦唔使怕～教練會免費提供船仔去沙灘，大家可以打下韆鞦、影下相。
____________________________________
點樣預訂【富國島：3島全日浮潛之旅】？
１。點擊網站Get Your Guide既short link https://bit.ly/2WZpaEu 可以直接去到【富國島：3島全日浮潛之旅】
２。選擇參與人數、日期及語言，查看供應情況
３。加入購物車並用信用卡結帳
４。Get Your Guide會即時發出電郵確認信同憑證(Voucher)
５。大家列印張憑證(Voucher)或者用Get Your Guide既apps就可以兌現當日既活動啦～
６。教練仲會係購票既第二日發出電郵講集合時間同地點，相當安心。
小編上次係John’s Tour Office, 143 Trans Hung Dao Street集合，出面可以免費泊車嫁。
【富國島：3島全日浮潛之旅】網站: https://bit.ly/2WZpaEu
如果想少人d，大家可以揀【富國島：快艇參觀南部4島】網站: https://bit.ly/2Ix02vH
__________________________________________________
想知我即時動向 就follow IG story啦 :)
Instagram: https://www.instagram.com/pixsoulhk
如果唔想錯過我地嘅post, 可以follow我個page搶先睇嫁 :p
Facebook: https://www.facebook.com/pixsoulhk
Website: https://www.pixsoulhk.com
富國島住宿推薦：https://bit.ly/2F3WShV (The Shells Resort & Spa Phu Quoc)
