【石垣島自由行】 日本最南端的最後一個天然樂園 - 玩樂篇
我們想係呢個夏天放個假，有7日時間，又唔鍾意走馬看花，所以決定去近年先有直航既石垣島。
近年Jowy愛上發掘神秘海灘，而石垣島係沖繩既離島，似一個鄉郊版沖繩，一定有好多人少又未開發既海灘。
Jowy對石垣島印象最深刻既唔係石垣牛，而係非常漂亮既海上沙洲。呢種藍綠色水上既白沙洲，感覺只有馬爾代夫或者巴哈馬等海灘聖地先有!
石垣島附近有幾個島：竹富島﹑西表島﹑ 波照間島等，合稱八重山群島，島嶼之間既距離大概是1.5hr船程以內，而佢們亦有好多自然風境，完全就是為Pixsoul探險小隊而設既!!!
我地來先講下八重山群島之石垣島既亮點：
石垣島屬於沖繩縣，位於日本八重山群島既南方。沙灘水清沙幼，四周廣布美麗既珊瑚礁，充滿亞熱帶既自然風味。
1.幻之島
幻之島係一個隨著潮汐出現既沙洲，係陽光照射下，海水湛藍通透，非常受歡迎。
2.川平灣
川平灣被米其林綠色指南評定為3星，係必去景點之一。隨著太陽光的照射，會展現出從藍到綠不同的顏色。大家可以坐玻璃船觀賞海中既魚。
3.平久保崎
平久保崎位於石垣島最北端，可以係山丘上眺望碧藍既海水，係絕佳既拍攝景點。
4.御神崎
御神崎位於石垣島最西端既海岬，可遠眺奇特既海岸岩石。
5.珊瑚熱點浮潛
大家可以報名出海到浮潛/潛水熱點，教練會帶領大家到珊瑚熱點浮潛，可以跟海洋生物一起浮潛～我們仲見到海龜，好彩既話仲可以見到魔鬼魚(蝠魟)嫁!!
6.觀星
石垣島光害較少，係觀星既好地點。石垣島既人真係超級熱情，儘管我地只係識少少日文，佢地都盡全力用身體語言去解說南十字星～哈哈，果到既人真係友善（喜歡喜歡）。
想知我即時動向 就follow IG story啦 :)
Instagram: https://www.instagram.com/pixsoulhk
如果唔想錯過我地嘅post, 可以follow我個page搶先睇嫁 :p
Facebook: https://www.facebook.com/pixsoulhk
Website: https://www.pixsoulhk.com
