【冰島手信推介】
由於冰島大部份野都係進口，所以冰島出產既物品唔算好多。最簡單認明冰島出產既方法就係睇產品條碼，只要係”569”開頭既就係冰島出產啦！我最鍾意去冰島超市同Vik Icemart買手信，因為佢地既商品比較多元化，應有盡有。 等我地一齊黎睇下冰島有咩手信賣啦～
1) Lava Salt 火山鹽
冰島出名火山多，所以最具特色既冰島手信就係火山鹽啦。火山鹽一般有２大牌子－Saltverk同Urta Islandica。
Saltverk既鹽來自冰島西北峽灣，手工混入左唔同香料調味，係超市都有得賣。
Urta Islandica就加入草本成分，一pack有幾種品味，一般係手信店可以賣到。
Lava Salt熔岩鹽，又稱黑鹽，含有大量活性碳物質，食落有d燶味，適合用黎煮紅肉。
Birch Smoked Salt樺木煙燻調味鹽，係用樺木煙燻而成，濃濃既煙燻味好適合用黎煮海鮮同白肉。
2) Traditional Icelandic Chocolate 朱古力
Traditional Icelandic Chocolate係冰島傳統既朱古力牌子，包裝上印有冰島既自然美景，甚具特色。由於佢係冰島最受歡迎手信之一，周圍都可以見到佢既踪影，一般係超市買會比較抵。
3) Omnom 朱古力
Omnom朱古力係冰島牌子，佢採用冰島既奶粉加上進口既有機可可豆同原生蔗糖而製作。由於包裝精美，充滿左北歐設計特色，所以成功吸引到好多年輕人購買。
3) Icelandic Glacial 冰島水
Icelandic Glacial據說係世界上最純淨水之一。水樽樽頸位置用左冰川凹凸既形狀而構思，更獲得Bottled Water World Design Awards既”Best Overall Concept and Best Label” 獎項。水源來自4500年歷史既Ölfus泉，冰島政府為左保護泉水免受污染，所以禁止發周邊既土地。
4) Puffin 海鸚鵡
Puffin海鸚鵡 係冰島既吉祥物 ，每年既六到八月就係睇海鸚鵡既高峰期。睇下佢既產品幾可愛～
5) 冰島elf小精靈
elf小精靈係冰島既傳說故事，唔同既elf小精靈有唔同既性格嫁～
6) Icewear 服飾
Icewear係製造冰島毛衣起家，以實用為主，價錢比較抵，深受遊客歡迎。呢頂帽都幾靚，o係機場買會平少少，但款未必齊，建議睇o岩款儲夠免稅額就買。
7) Hardfisk 魚乾
魚乾係冰島既傳統健康零食，一般由新鮮魚風乾後製作而成，只有淡淡既鹹味，有點硬，而且價錢唔平，60g就要ISK1290Kr。【Jowy話完全冇味好難食，唔會再買XD】
8) 魚子醬
魚子醬係歐洲人既珍饈美饌之一，雖然Abba Caviar唔係冰島特產，而係瑞士牌子，不過係冰島超市有得賣。鹹鹹既魚子醬可以配麵包食用。
9) Blue Lagoon 藍湖護膚品
去Blue Lagoon藍湖浸溫泉係冰島必要體驗之一，Blue Lagoon亦有出產自家品牌護膚品，係藍湖同機場既價錢差唔多，都係買三送一，再加上小禮物，只係藍湖買就要做退稅同放入托運行李，係機場買就免稅。
Silica Mud Mask 白矽泥面膜有深層清潔既作用，係藍湖溫泉敷既就係呢隻啦～
Aglae Mask 綠色海藻泥面膜有助保濕同活化肌膚，係Blue Lagoon最出名面膜之一。
Mineral Mask 礦物泥面膜，店員話比較適合年輕既女仕，因為佢冇咁潤。
Lava Scrub火山岩去角質係我最鍾意既產品，火山岩既質感幼細，去完角質後，皮膚好光滑，唔似平時磨沙後乾燥既感覺。Lava Scrub係藍湖溫泉要加最多錢先可以試嫁，然而佢既售價同所有面膜都一樣，所以佢係最抵買既。睇我用到枝Lava Scrub都扁左就知有幾好用啦～
最後我地分享下冰島既退稅流程啦：
- 只需購物滿ISK6000，就可以同店員講要退稅，店員就會比張退稅單你【未必退足】 - 可退稅商品：唔係所有商品都可以退稅。一般商品可以退稅，但明信片、郵票唔可以退稅。具體可在購物時問店員。有D商店可能冇參加退稅。大部分可以退稅既商店都會o係店門口插上退稅既旗子，一般為粉紅色或藍色。
- 退稅單上要填寫姓名、地址、國籍、護照號碼、信用卡卡號、同埋簽名
- 離開冰島當日，就可以去到凱夫拉維克機場 退稅櫃台 搞退稅啦～
- 海關人員會問你退稅想要現金或者退稅到信用卡上（大概要３星期）。為左確保收到退稅款項，我地選擇左要現金。
撰文: So | Pixsoul出發隊員: Jowy, So
冰島極光探索之旅：https://www.pixsoulhk.com/iceland
一齊黎睇靚景﹑影靚相﹑體驗當地人既生活啦~
想知我既即時動向 就follow IG story啦 :)
Instagram: https://www.instagram.com/pixsoulhk
如果唔想錯過我地嘅post, 可以follow我個page搶先睇嫁 :p
Facebook: https://www.facebook.com/pixsoulhk
