觀塘樓上鋪高水準日本料理 CAFE 鳥棲日本料理 Tosu 日本串燒炸雞麵飯開源道60號駱駝漆大廈3座5樓S舖黃藍

By 林公子生活遊記 . Level 10 - 至尊 Fever 旅客
發表於 2021 年 3 月 26 日 .

係觀塘,樓上鋪餐廳多如繁星,你估唔到有一間日本菜,連平日晚上也爆場！

呢間基本上唔洗諗即場排隊，因為每晚都好多人訂位黎食飯

仲要限用餐時間９０分鐘！

６點幾已經坐滿全場！好西利！

呢幾晚都係觀塘搵食，咁就過左黎食飯，但我要提提大家！最好訂位！

我地今晚兩個人，快食快閃，半小時就食完，叫左個牛肉湯烏冬麵

一客黑豚吉列滑蛋飯，一個日式炸雞！

另外叫左２杯飲品，埋單平均一位＄１５０～

湯烏冬 $82

上菜時熱到煙霧迷漫，清湯底，有淡淡醬汁香，牛肉只係剛剛好燙熟～

牛肉片少脂肪肉質嫩味而濃郁，烏冬偏幼身，夠滑身，略欠彈性～

整體上係幾有水準既一碗湯麵～

吉列黑豚滑蛋飯　＄８２

吉列豬扒上面脆身肉既底層沾上嫩滑蛋汁~白飯另上

豬扒厚度夠,炸得脆,カツ丼黎講有水準,賣相也做得整齊,唔會全件豬扒肉太淋太多汁

汁同滑蛋比例剛剛好,的確有其吸引之處,觀塘區真係無乜對手~

#鳥棲日本料理 #日本菜 #樓上鋪 #觀塘餐廳 #觀塘美食 #日本料理 #吉列豬扒 #烏冬 #湯麵 #日式炸雞 #觀塘 #開源道 60號 #駱駝漆大廈3座 5樓S舖

觀塘 樓上鋪高水準日本料理 CAFE 鳥棲日本料理 Tosu 日本串燒 炸雞 麵 飯 開源道60號駱駝漆大廈3座5樓S舖 黃藍