湯河有驚喜,湯色深,飲落夠燙口,河粉條唔怪佢,來貨碎左d
個湯底好夠味,濃郁鮮甜,救返成碗粉,肉丸同牛肉片就係無乜特色,係牛肉夠大片,但熟左少少
炸雞翼,夠脆身,即炸,咬開有肉汁,本身亦夠味,唔洗另外靠醬汁
尖沙咀分店長期排隊,旺角就好少少,當日7點幾只排數分鐘就安排到位!
店員都有好有效率!服務態度亦好好!
落訂單後先上飲品,即時解渴先!再黎就係雞飯同湯河上菜
要炸既雞翼就最後先上!
海南雞飯雞夠滑,但就咁食個味道偏淡,點返少少佢比既醬汁食,味道豐富好多!
雞肉唔肥,但都做到嫩滑質感,唔錯!
另外送上一碗雞湯,飲到濃濃既胡椒味,平時既只係雞湯!佢係胡椒冬瓜雞湯~
油飯方面,泰國米加香料煮,食落爽身唔油膩,入口淡淡香氣散出黎
炸雞就唔得,唔係即炸,預炸放耐左,唔脆身~雞肉亦唔滑