第一次打文章, 主要分享過去一年既攝影心路歷程...踏上攝影路來,過去一年真係百般滋味在心頭...想分享既野太多了,所以只分享過去一年既小作品同對器材既心態轉變。
買入一台入門機開始愛上攝影
開始初學攝影,對所有攝影有關於知識同技巧都會覺得好好奇同新鮮!初時買入門機加支雞腳架, 一星期3,4日就走出去影相,呢個發燒期我諗有好多人都經歷過。
追器材過度
但後來覺得唔夠,於是見網上有好多人都用Full Frame機影出呢既相好靚,主觀咁覺得只要有Full Frame機就會有好相(所謂既買機送技術心態),對於發燒期既我就賣左部只係用左3個月既入門機,再買左部Full Frame機同一d鏡...老實說, 買機送技術係有的,只限硬件上,但軟件(自己技術)一D都冇進步, 原來呢個只係自己想出來既煙幕。真正既技術係要用時間去練習出來。
認真去學
後來體會 買機送技術 自己既不足,就去上攝影課程,認真去學,半年後開始知道咩叫攝影, 多謝老師既啟蒙。
更愛攝影
9個月後,開始感覺到睇一張相都會無意間流露出個人心情同信念,後來影相不只係興趣,更變成一種舒發情緒既渠道。到現在都鐘意出去影相,攝影既魅力可能就係呢度。
好相片重於相機後面的腦
好相唔限於工具上, 無論係單反、無反、Lomo、菲林、DC、手機......而係如何去運用工具得出最好既相。到依嫁自己都會用手機去影,有意思有感覺就影,因為知道一張好相片著重於相機後面的腦!
手機拍攝
黑白菲林拍攝
係呢一年度,立志成為一位攝影老師,因為攝影好正, 同時可以影響多人!
以下係記錄小弟進入攝影的心路歷程,是由零開始的作品...
舊作品:http://www.facebook.com/media/set/?set=a.10150410896573143.362751.648088142&type=3
新作品:http://www.facebook.com/media/set/?set=a.10151116745253143.445719.648088142&type=3
