－平
－有Leica有F/1.4，適合自high用
－對焦快、準
－3cm微距
－防震效果好
－咩功能都有

－畫質不佳
－操控感差
－電池續航力差

好難講呢部機嘅優點同缺點，因為佢嘅優點正正亦都係佢嘅缺點。呢部機賣點當然係F/1.4大光圈，標榜同級最大光圈，但係有幾個問題：

1. 24mm先有F/1.4，32mm已經得返F/2.8，而且最大光圈時畫質太差，你當佢恆定F/2.8算

2. 係變焦鏡上面做咁大光圈意味犧牲咗畫質，中間位好sharp，但稍為離開咗中間位已經開始矇，邊位慘不忍睹，收光圈有少少改善，但都係唔理想，同埋要收光圈先靚嘅話，咁F/1.4有咩用？

3. 有啲人話大光圈可以用低ISO降低噪點，但降低噪點換嚟唔sharp嘅光學質素？似乎唔make sense。又有啲人話唔聞相就冇問題，但唔聞相嘅話用手機影咪得，買相機就係用嚟聞相㗎啦

4. 3cm微距幾乎可以黐住嚟影，可以影到啲好stunning嘅效果，但畫質好soft同有慧形像差

5. 有啲人話佢散景靚，除咗矇啲之外唔係特別靚，始終支鏡咁細，唔好太多期望

6. 光圈環好多人都話係優點，但實際好難用，太窄會連埋變焦環一齊扭，雖然有個凸出嘅位比你扭，但總之就係唔就手

7. 轉盤放咗係機頂，遠遠唔及十字鍵轉盤方便，而且set做ISO、曝光補償嘅話就會變咗冇得係S mode set快門，係P、A mode下個轉盤都係冇用，浪費咗

考慮埋價錢，水貨價咁平，其實又唔係咁差，不過部機啱新手用多啲，有返少少經驗又想平玩大光圈嘅話，平平哋買部M4/3加支定焦鏡先啱。不過又咁講，而家啲新手直情有錢到直上FF，呢部機應該連新手都睇唔上眼，都難怪賣咁平又冇後繼機

1）不得不讚體積極細同重量極輕這個優點。
2）前組玻璃不再需要用球型設計，用filter提供更大彈性。最重要係減少咗鏡身體積和重量。再讚。
3）雙motor設計，對焦好快。
4）全開光圈下，紫邊可以話係見唔到咁滯。
5）彩色鮮明和層次豐富。就算係逆光控制都係超級勁。

1）定價比較貴，需然話早買早享受。

自從這支鏡推出後，足之可以不再需要用轉接環加AFS14-24了。係重量上可以講係完全兩個世界。特別係裝上Z機後，手感十分之好而且十平衡。最後要特別再講就係這支鏡的畫質，我可以講係咁多牌子中最好的一支。

快AF
Eye AF
可Type C充電，旅行用勁重要。
配套ok，出左幾年，Sony各焦段既GM Prime lens已經出齊。

Menu選項太差
仲未有gps...wtf
個mon resolution差，不能夠反映拍下影像。

用過5d3, A72...2018年換A73. 機外表和A72一樣，但用落好好多。開機快，AF快。AF快好緊要，A72要等開機同對焦，好多影像已經miss左。

我配支24-70GM 已經一鏡走天涯，買果時三萬依家放二萬不到。

剛賣左A73, 等出A74或者換A7R3。行過星際，好多FF二手DSLR都好平，FF D700/5D2/6D加35f1.4一萬有找。但單反咁重，鏡又重，有IS更加重，都係咪搞。同埋科技唔等人。我都幾肯定，單反已經完成歷史任務。

Canon RF又要等鏡頭，我冇咁既耐性。

人像鏡平，大光圈

中古

用上係D700，唔知係D700解像問題還是支鏡係MlJ，我預計會走DD焦，言然唔洗+-調較~冇走焦。因以前試過85.4D都有走dd焦，50.8G就買過幾支都走得勁。真係低處未算低，以前MlC差，e加MlT仲差，我印象中我買過支LB7都似MIT，D人唔轉會就假啦!
講返85.8D，係比G鏡柔，可能多一塊頁有關呱，影人幾中庸。散景的確自然過G鏡，f1.8紫邊勁(e個年代嚟講)，其實係正常，$1XXX有咁嘅質素我完全ok，如用D850立體感重，金屬鏡身揸上手質感有返feel!
期待nikon從回做返MIJ,不過似乎冇乜可能

我揀隻玫瑰金好靚，AG磨砂唔痴指紋手感好，朋友用緊嘅海洋藍都唔錯
S750G真係有料到，A77核心有旗艦級體驗，感覺比阿媽Mate 20仲要再快啲
電池好長氣，我用60Hz,單卡4G,長開藍牙同GPS，係咁上網睇YouTube碌IG，加加埋埋用超過十個鐘頭都仲有大約1/4電
充電快但唔熱，用跟機11V3A牛邊用邊充，個零鐘就由15充到100，但中間都只係暖暖地而唔會覺得熱，完全超出我對高電壓低電流快充嘅期望
3.5mm 紅外 NFC一應俱全，方便
雙喇叭表現有驚喜，絕對唔只“聽筒輔助發聲”個level，而且夠大聲得來又唔會拆音

個鏡頭點解要凸起兩次！！！用原廠殼唔夠一個星期除低個殼睇下，有點鋒利但不至於“界刂”手指嘅鏡頭切割處已經積咗唔少灰塵，要定期清理一下
香港無8+256，要上X貓/X東買紅米Note 9 Pro，但現時未能方便來往兩地，保養方面有啲麻煩
手機係三選二卡槽，尤其香港唔賣256GB，唔應該啦
相機雖然係IMX682，但始終都係兩千一嘅機，演算法一定差啲（如果唔係小米點push你買貴啲嘅10T甚至11？）
S750G在GPU方面較S765G差，唔適宜玩大型遊戲，甚至開一陣120Hz來用都覺得有少少frame drop，所以之後都轉返更慳電同穩定嘅60Hz

當初睇中$2599/8+256嘅10 Lite諗住大容量用得開心啲，但上網check完發現部機主鏡頭用ov48b感光元件，雖然係唔差但感覺都係Sony比較好，而且我去小米之家試過感覺防閃爍效果較差，無得插記憶卡同無雙喇叭都係扣分位
跟住睇埋紅米Note 9T，相機夠我用，紫色好睇，有真三卡，MTK D800絕對見得人，而且3.5 紅外 NFC都有，可惜4GB RAM毀掉一切，價錢又唔係特別吸引，最後就順理成章咁揀咗呢部
不過樓下話$1799買到就算__數啦，人哋淨係備好少貨，一缺貨無耐就下架，同埋部機點會無缺點？一睇就知你唔識嘢，好心你唔好衝出嚟寫一篇毫無參考價值嘅心得啦！
部機都用咗一排，so far好滿意，但6+128唔用得耐，用返年零兩年又要換，sad

乜嘢都好除左個evf,見缺點

由a7r3 轉會，日光日白冇野，一去到暗d嘅環境panning，個evf會疾下疾下，已經試左120fps 但冇乜光善，a7r3係順滑到好似用緊ovf的......

希望canon正視和改善這問題(不是在mk 2上）

以前用a71,。同a71比較，順暢,各方面都反應快，快到跟唔到。
電不是別人講到咁差，但無小米咁長襟，一日一差。
有熱，反而a71唔覺熱。
輕，但有不覺得唔實靜。
音量大，幾好聲，音樂由機頂和底二邊一同出。
影相唔覺有咩咁突出，倒退。難以想像，一部近七仟元的手機，影相無得調較光圈，ISO，快門。簡單到離譜，得人像，全景，食物，遠近廣角鏡數項可以選擇。室內有理無理都是自動1.8光圈。
室內中午猛太陽下，拍風景，相機無得調效，佢自動咁，光圈2.2，iOS50，快門1/4000，哈哈！（影片無用過，唔知。）所以，佢相機適合腦頭簡單的人使用，懂一按便是，這是優點吧？笨柒的你，家陣的我！
接受網絡能力好過小米（認真同一位置，同一台，同級數的手機比較過）。

無3.5插筒
無得用SD卡
七仟，貴啲，覺得佢值五仟到（因為相機）。

各方面比a71有進步，而你接受到s20e（街價4仟）得6.5寸芒的話，不如買s20e.
芒在太陽下，OK啦，無蘋果咁好。
上網等等反應，真快，流暢。
玩影相的人，這部就算吧！
希望幫到各位。

1）第二代的對焦反應更加快同準。
2）提供返雙咭槽的設計，在工作上更加保障及輕鬆。
3）Z7II加入返尿袋供電這個功能，現在基本上都不需要再擔心供電的問題。
4）提供4K60及直錄入卡的功能， 在拍片上更有彈性及創作空間。
5）Nikon機身的防水滴功能及很好的手握觸感，令到係工作上更加得心應手。

1）未有提供直錄N-log功能。
2）今代沒有強化EVF，雖然Nikon 個EVF都仲係同級數一數二。

雖然Z7II未有提供太大的改變。不過今代所改變左的，在我工作的層面上可以話係樣樣都相當實用。最緊要係在工作上真係更加得心應手。另外，影像及錄像的質素上就不需要講太多，因為Z7II都係保持著超高質的影像畫質。