從彩虹坐小巴或巴士入西貢, 在井欄樹落車, 過馬路後起步,從衛奕信徑第三段, 進入小夏威夷徑 , 先見到是水壩瀑布, 再行落到十字路口 , 轉右去小夏威夷瀑布 , 之後行返去十字路口 , 再慢慢行返落去寶琳港鐵站, 全程只輕鬆甘行個多小時, 而且全是斜路落山, 不過如果剛落完雨,就要小心地滑呀。 不過今次重點唔係講點樣去找小夏威夷瀑布, 而係分享一下影瀑布流水嘅效果 , 用f8光圈, 快門1/800s嘅話, 手持相機或手機, 見到啲流水嘅水珠好明顯, 如改用f22, set好腳架, 快門 1/9s,就見到啲流水有少少慢流嘅感覺 , 但係如果想做到霧化或夢幻嘅流水效果, 一般要用超過30秒, 甚至係幾分鐘嘅時間 , 當然最簡單慢快門就是用貴價嘅ND減光濾鏡 , 除了錢, 問題可能不大, 如用平價嘅ND濾鏡, 偏色就會幾嚴重, 影raw後期製作又要D工夫, 今次分享一個簡單方法, 就係set好腳架, 用快門線, 一次影好多張相同位置的相, 然後用軟件合成一張, 就是咁簡單, 用邊隻軟件? 就係製作星流跡嗰隻免費軟件starstaX, 仲要是做法非常簡單, 只要把影好嘅相, 大約係20到50張放在一個Folder, 然他後用starstaX打開, 用它的"Average" 功能, 就能自動出到一個好慢快門嘅小夏威夷瀑布相了.
註1: 測光不要Over, 用重點測光D流水 或手動測光
註2: 陰天時, 沒有太陽晒到, 光暗對比無甘大, 效果好D的
註3:小夏威夷瀑徑fb的相片
1) 50張 f22, 1/9s, ISO 100 合成的水壩瀑布相
2) f22, 1/9s, ISO 100
3) f8 1/800s iso80的相
4) 軟件 starstaX 0.71
#5 水壩瀑布下面, 右轉的另一條瀑布
#6 小夏威夷徑路線圖
--- End ---