輕巧。強悍
/
金嗓子喉糖盒大小（99.8x60.0x31.5毫米)，
三包樂天熊仔餅重量(153克），
搭配EBC鍍膜28mm f3.5嘅富士龍鏡頭，
發色好解像力高之餘又神還原暗部細節！
/
最近對焦距離僅35厘米，
完全足夠應付特寫鏡頭！
機身裏面配備廣闊快門段數（1/2~1/800s)，
唔會出現畫面曝光不足嘅情況！
/
閃光燈亦都配備左富士獨有嘅夜景模式
，
係夜晚使用閃光燈嘅時候可以影出前後一樣嘅畫面！
/
機身雖小但能夠影出單鏡相機嘅質素！
以上呢堆都係我一直對呢部機做嘅功課整合出嚟嘅優點。
到我自己都買咗用咗一段日子之後，發現優點並唔止咁少！本身已經發現嘅優點亦都係名不虛傳！！！
簡單來講，呢一支鏡頭真係好靚，當拎菲林底片去掃描做數碼相嘅時候，
喺放大張相嘅時候係能夠見到好清楚嘅細節，並唔會出現油畫嘅情況。
28mm廣角鏡頭無論喺處理特寫或者遠景，都感覺唔到有好明顯嘅變形，而暗角嘅情況亦都處理得好好。
開頭會覺得光圈得F3.5好似可能真係有啲少，但係用落又唔覺有啲咩問題
反而，當影特寫嘅時候，景深效果明顯得好緊要！
不過以得三盒熊仔餅咁輕嘅器材，可以影得出咁強嘅散景效果，絕對非常之收得貨！
↑ Kodak Proimage 100+室外多雲+關閃光燈
配合廣闊嘅快門段數，喺夜晚唔開閃光燈，仲有用低感光度嘅菲林嘅情況影外景，
都唔會出現曝光不足甚至乎暗部嚴重發灰～
↑ Fujicolor Superia x-tra 400+室外夜晚+關閃光燈
↑ Fujicolor Superia x-tra 400+室內有光+關閃光燈
機身設計好簡單，全機身由鋁合金製造，幾頂得一個快門掣。
有時候就係好享受呢種，將攝影還原到簡單嘅藝術模式，所有精神專注擺喺揀選上面。
當決定好後就只需要㩒一個掣，之後就可以期待沖出嚟嘅效果，究竟同自己影嗰陣諗嘅版本一唔一樣
好多人會問，究竟一代同二代有咩分？
根據我個人嘅測試同埋做嘅功課，一代同二代大概有以下嘅分別：
Tiara 一代不帶手帶掛孔，需要透過配件在腳架螺絲孔來穿上手帶，而二代則在機身側面自帶 手帶掛孔。
二代觀景器用上跟鏡頭一樣的鍍膜，而一代觀景器則為普通鏡片。
二代閃光燈為數碼程序閃光燈，一代則普通程序閃光燈（呢個係使用上面睇唔出有咩分別
另外就係聞二代對焦同測光系統都有提升，呢個我相信就係存在嘅，
喺比較之下感覺上第二代喺處理微距對焦時嘅表現較為優勝。但係無疑一二代產出嘅效果都係一樣
更多效果參考:
↑ Fujicolor Superia x-tra 400+室內冇光+開閃光燈
↑ Fujicolor Superia x-tra 400+室內有光+關閃光燈
↑ Fujicolor Superia x-tra 400+室內有光+開閃光燈
↑ Kodak Proimage 100+室外多雲+開閃光燈
↑ Kodak Proimage 100+室外多雲+開閃光燈
↑ Fujicolor Superia x-tra 400+室內有光+開閃光燈
↑ Kodak Proimage 100+室外多雲+開閃光燈
↑ Kodak Proimage 100+室外多雲+開閃光燈
↑ Kodak Proimage 100+室外有光+開閃光燈
左:夜景模式 右:自動閃光燈
↑ Fujicolor Superia x-tra 400+室內陰天+關閃光燈
↑ Fujicolor Superia x-tra 400+室內有光+開閃光燈
↑ Fujicolor Superia x-tra 400+室內有光+關閃光燈
↑ Kodak Proimage 100+室外多雲+關閃光燈
↑Fujicolor Superia x-tra 400 +室內有光+關閃光燈
↑Fujicolor Superia x-tra 400 +室外有光+開閃光燈
每一張菲林相，都需要經歷由選擇同妥善保存菲林，相機機件運作正常，攝影師對畫面準確嘅揀選同操作，同埋去到後面幫你沖洗菲林嗰個人嘅專業環環緊扣。菲林相片嘅溫度亦都係因為呢一啲嘅步驟而變得分外珍貴
。
慢曝人生 - Billy Szeto
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
