文︰本香猛
「出嚟啦，萬能俠！落去啦，朋友號！」無論閣下是睇機械人片長大的 70 後，還是打過無數集《機戰》的 80 後，相信對鐵甲萬能俠都不感陌生。繼高達 7 米、被喻為全球最高的鐵甲萬能俠空降尖沙咀後，最近本地 BU TOYS 亦聯乘原作者永井豪推出了一系列萬能俠玩具，並於動漫節接受預訂，一眾 Fans 豈容錯過！
|
| 鐵甲萬能俠原作版式。售價︰HK$1,688 |
|
| 鐵甲萬能俠之三一萬能俠原色混合式。售價︰HK$1,688 |
是次推出的特別版仿照兒時的「大膠」玩具設計，即以 Jumbo machinder 的造型出現，除了細部如稜角較為細緻外，其餘線條都帶有中古公仔的粗糙圓潤感，讓玩家們重拾兒時回憶。另外，跟近年 Die-cast 合金接近氾濫不同，它特別改以搪膠製作，在金屬塗裝下質感不遜於超合金公仔，而且儲存較容易，擺得耐都不怕有掉漆或生鏽問題；而且搪膠公仔近年有價有市，收藏價值自然更高。
|
| 鐵甲萬能俠之三一萬能俠混合式。售價︰HK$1,688 |
|
| 鐵甲萬能俠之三一萬能俠試作版金屬混合式。售價︰HK$1,688 |
除了普通版，動漫節還有多個限定版推出，例如黑魂版、原作色、三一萬能俠配色等，每款限定 300 隻，其中試作版三一萬能俠配色十分罕見，分別以黑、紅、銀作主色，設計別具新鮮感。另外，有光明自然有黑暗，所以動漫節期間一眾 Boss 級大壞蛋如修羅男爵、暗黑大將軍及嘍囉機械獸等亦會接受預計，另外又有大鐵牛、愛美神等「大茄」，全部叫人熟口熟面！特別一提，動漫節期間更會推出限定 100 隻的戰損版機械獸雙頭龍，每隻均經過戰損處理，身上傷痕塗裝均不同，製作精美難怪官方話連日本玩家都讚好！
|
| 另有大鐵牛人偶，設可動關節及夜光效果。售價︰HK$1,488 |
|
| 有萬能俠又怎可少了愛美神，約 30cm 高，限量發售。售價︰HK$1,288 |
最後，幫大家重溫一下《鐵甲萬能俠》歷史，它由原名永井洁的永井豪創作，原先只有漫畫版，1972 年 12 月製成動畫並於日本播出，旋即掀起機械人卡通片狂熱，後來 1974 年麗的電視取得版權，播放後更是瘋魔唔少香港青少年。鐡甲萬能俠招式甚多，「鐵甲飛拳」、「光子力射線」、「氣體硫酸」等都是他的必殺技，但當中最為人熟悉的始終是「高熱火燄」，人氣高到連周星馳都曾在《國產零零漆》致敬過呢！
|
| 修羅男爵。售價：HK$1,388 |
|
| 機械獸雙頭龍每隻均有不同的戰損花紋，限量 100 隻。售價︰HK$1,488 |
|
| 動漫節可率先預訂 UG 合金三一萬能俠一號Getter Arc黑色限定版。售價︰HK$990 |
|
| 《鐵甲萬能俠》是不少 70 後的童年偶像之一。 |
