文：本香猛
在《變形金剛》G1 卡通裡，大黃蜂 Bumblebee 這個角色一向幾討筆者歡心，雖然佢專搞爛 Gag，成日撞板又要勞煩柯柏文幫佢善後，但相比起老柯、麥嘉登這些忠奸太分明的角色，太黃蜂鬼鬼馬馬反而人性化得多！
|
| 自信奸笑係大黃蜂招牌表情，不過上色更值得留意，黃、銀、黑色配搭鮮明。 |
|
| 機身好多燈位，期望可做到一個掣開關。 |
土炮玩具公司 Kids Logic 以 Q 版可動 Figure 成名，之前的老變「Mecha Nations」系列造工不錯之餘仲著到燈，滾存下來的口碑不錯。最近他們又為系列加入新成員太黃蜂，可動性超高，關節共有 20 個之多，既能靈活擺出動感跑姿，就算舉槍、起飛腿都難佢唔到。美中不足是受版權影響，它始終未能變形，然而做到全可動兼動作自然，已值得一眾老變迷注意。
|
| 關節多達 20 個，可靈活擺出動感跑姿。 |
|
| 腳關節扭動幅度大，話咁易就踢到腿，唔似其他老變玩具般要硬直站立。 |
跟孩之寶面向兒童不同，Kids Logic 擺明以 Kidult 為主要市場，所以大黃蜂設計全不馬虎，特別是上色，黃銀黑機身富有光澤，不似坊間的大黃蜂般用暗黃色，亦沒有因為追求金屬感而變得偏離原色，恰到好處！而為增加玩味，機體雙眼、心口車窗、博派 Logo 等 7 個位置均設有 LED 燈，全亮著一刻都咪話唔有型！留意今次 LED 燈隱藏得更好，未見穿崩，可見廠商造工又提升了不少！
|
| 睇細位會發現製作人員心思，例如背部的輪胎都造埋落去，一絲不苟。 |
|
| 裝上戰損部分後，就可重現戰敗經典 Look。 |
配件是另一賣點，除基本 7 隻可換造型手及激光槍外，還附設三個咀形，分別用以表達奸笑、大叫及呼救，只要配合相應動作，成隻玩具立時交足戲。另外值得一提，隨盒還附送戰損上身及獨臂一隻，更換後大黃蜂個樣慘絕人寰，等大家重現佢個戰敗Look，好等麥嘉登將佢徹底折磨一番！
|
| 老柯心諗︰「衰仔又要幫你執手尾…」。 |
|
| 配件一覽。 |
Kidslogic Mecha Nations 大黃蜂暫定於明年第 1 季推出，售價待定。
|
|
|
