文︰郭匯昌 Andy Kwok
一年一度美酒佳餚巡禮，今年將於 10 月 26 至 29 日舉行，並一如以往選址中環海濱。講到尊尚品酒區，今年有多款獲 Robert Parker Wine Advocate 和 James Suckling 推薦的佳釀供品嚐，鍾情名釀的朋友就唔好錯過啦。
上月底大會聯同警方宣佈，以安全理由建議活動五大展區的戶外地方只可使用膠杯，只有尊尚品酒區豁免，並說膠杯品酒不會影響酒味，此舉惹來不少爭議聲音。其實葡萄酒含酸性，亦含酒精，與塑膠物料接觸，很容易會產生化學變化，而釋出的膠味亦會影響味覺。主辦機構的旅發局，預計是次活動需要派發十萬隻膠杯，大家會唔會覺得好唔環保呢？
慶幸在 10 月 24 日截稿前收到一個喜訊，警方從善如流接受各方意見，取消早前規定，指屆時場內不論室內外範圍均可使用玻璃杯。其實警方憂慮當然有其原因，所以亦懇請各位盡情享樂之餘，亦必需注意安全，顧己及人。
想以靚價買到絕版舊年份靚酒的話，可以留意位於 City Exploration Zone 的香港葡萄酒會展台，過佰款存量少的酒品由 $150 兩瓶起發售，有興趣來尋寶的網友就趁早啦。
這五款是往年清貨其中貨品，首天已經全部售罄。
Wine and Dine Festival 美酒佳餚巡禮 2017 詳情
活動日期
10 月 26 日 19:30pm ~ 23:30
10 月 27~28 日 12:00 ~ 23:30
10 月 29 日 12:00 ~ 22:00
港鐵是最方便的交通選擇，可於金鐘站 A 出口、中環站 A 出口或香港站 A2 出口直達。
票價:
成人︰$30
兒童及長者和殘疾人仕:$15
品酒證分三款:
$100 入門品酒證
$200 標準品酒證
$600 尊尚品酒證 ( 獲贈 Riedel 紀念酒杯一隻 )
|
作者檔案 - Andy Kwok 郭匯昌
Hong Kong Wine Club 香港葡萄酒會會長
相關網站:
|
