長洲隨拍 Nokia 8 攝影遊記

發表於 2017 年 11 月 29 日 • 瀏覽 10,342 •手機新聞

蔡司認證鏡頭表現不錯，拍攝時天清氣朗、加上沒甚麼霞氣，可見北社海傍路的漁船色彩討好，遠處景物亦十分清晰。(放大)

礙於體積所限，雖然手機與單反、無反在畫質上仍有一定距離，不過手機的優點就是輕巧便攜，可以較容易捕捉到一瞬即逝的光影，亦令手機攝影亦越來越普及。不少手機廠商都積極在拍攝功能與硬體上下功夫，而 Nokia 重回手機市場後推出的旗艦機 Nokia 8，就標榜有蔡司認證的前、後置鏡頭，擺明主打攝影質素！今次筆者就帶同 Nokia 8 穿梭長洲，拍攝這個香港的後花園，順便輕輕一講手機的攝影心得啦！文章最後 Nokia 會有個特別彩蛋送畀大家！記得留意啦！

手機內置輔助線及水平尺等構圖小功具，拍攝時便唔會影到歪歪斜斜。

構圖小助手手機拍攝更自如
不少注重攝影功能的手機除了畫質與鏡頭的考慮，亦會配備各種攝影的輔助工具。而 Nokia 8 就內置輔助線及水平尺等「小助手」，幫助用家拍攝時可以更輕鬆取景及構圖。對一向影開相的朋友來說，輔助線及水平尺當然見慣見熟，而家手機亦逐漸加入相關功能，影相時就不用再單憑肉眼取景，拍攝風景類作品更加手到拿來！

▲ 輔助功能可一齊或個別使用，按需要開啟就輕鬆搞掂。

▲同為攝影媒介，大機及無反等傳統攝影的構圖當然可應用返喺電話攝影。
就如上圖就用了最常見的前、中、後景佈局，前景為釣魚伯伯，
中景有漁船，後景是山及天空，畫面十分豐富。

內置攝影功能散景模式有驚喜
手機的鏡頭較為細小，加上多為廣角焦距，在客觀條件上幾乎較難做到景深效果。不過隨着手機「進化」，不少手機都爭相加入數碼化的「模擬景深」功能，只是要做到「唔穿崩」便相當考驗手機質素！而 Nokia 8 的「模擬散景」就相當有驚喜，主體邊沿與背景相接位置幾近「無縫」，在取景時就可應用大機、無反等構圖，只要開啟「模擬散景」模式，就可更輕易突出主體！

▲ 不少影開相的朋友都習慣「不會把主體放在中間」，把主體安放在側邊亦可將拍得較大較突出。

▲ Nokia 8 的「模擬散景」就相當有驚喜，主體邊沿與背景相接得不錯，構圖時就可以有更多變化。
即使將主體置中亦依然突出。(放大)

多拍多嘗試　手機都可影靚相
現時的手機鏡頭不少已過千萬像素，不過即使像素高，成像如何仲要靠鏡頭質素。Nokia 8 的前後鏡頭都有蔡司認證，相片質素認真不錯，層次感及細節比小型相機有過之而無不及。加上使用一下大家常用的攝影構圖手法，影出來的相片都似模似樣，在社交平台 share 時一點也不會失禮！

▲ 「突破重複」構圖是在重複主體中有突破，如相的一堆香中有一支插出嚟，可増添畫面趣味。

▲ 「填充相框」構圖適用於重複 pattern 等非單一主體，讓觀者感到集中。

▲ 以小動物視角來拍攝亦可一試，只要踎低或瞓低與小動物同一水平，注意咪驚動佢哋，
試吓慢慢接近同佢哋玩吓，唔好掛住影呀！

色彩表現討好　畫質頗具蔡味
Nokia 8 標榜蔡司認證鏡頭，當然影出來的相有無「蔡味」亦為一大重點！雖則何謂「蔡味」亦很主觀，不過坊間約定俗成的「標準」就是色彩濃縮、鮮豔。拍攝當日天朗氣清，而 Nokia 8 的畫質細緻，相片發色已經自然討好，藍色表現尤其突出，若在手機內經簡單後製，相片驟眼一看，質素幾乎接近大機與無反！