文：Tony Lam
較早時 Porsche GT3 換上新裝又加強性能後，今天終於到 GT3 RS 以新面貌示人，同樣換上新包圍及內籠，馬力亦加大了少許。
雖然還未正式公布，但官方相片就已經有得睇，新版一如 GT3 換上新款頭泵把，霧燈位置變成窄窄一條線的模樣，賣相再進取一點，尾燈及尾擾流等亦屬新設計。車廂可找到新款軚環及清一色的 PDK 波箱，若然選擇 Clubsport Package 的話，將會配用六點式安全帶、滅火筒以及鋁製防滾架。動力仍然來自 4.0 公升水平對向六汽缸機器，最大馬力上調了 20 匹去到 520 匹，扭力則未有資料，靜止加速至 100 公里 3.2 秒完成，極速 312 km/h，前 20 吋後 21 吋輪圈組合依舊。有心想買的車迷實應快快出手，據外媒報導下一代 GT3 將會全面轉用渦輪增壓引擎，亦即是現時最叫人著迷的 9,000 轉瘋狂咆哮有機會成絕響。
