【攝影獨龍鑽 OCT #02】「AI都得啦！」如何神回覆？辛苦拍照還有意義嗎？AI 再強只是「玩法」攝影才是「經歷」｜AI 無法生成的相機靈魂

辛辛苦苦捱凍等雲海、追銀河，滿心歡喜分享作品，換嚟一句：「AI都執到啦！」呢句說話對攝影人嚟講，簡直難聽過粗口！

當手機開個 filter、AI 打個指令就能無中生有出大片，相機係咪真係可以收埋？今集《攝影獨龍鑽》都敏捷同謝飛就同大家做場靈魂拷問：AI再強大，我哋都唔驚！因為AI再靚都只係大數據的「玩法」，而真正嘅攝影，從來都係講緊攝影師對世界嘅「看法」。AI複製到完美畫面，卻複製唔到影像背後你親身經歷嘅故事、汗水同靈魂。入嚟睇片，一齊搵返按快門嘅最初感動！