優點:
Mon大, 畫面質素真係好靚
上網速度快
睇 Youtube 一流, 完全唔會起格
外型唔錯, 幾有型, 感覺上幾適合男生用
唔喜歡用 Iphone 既朋友 ( 我係其中一位), 可以考慮昵部, 因為佢運作上其實已經可以媲美 Iphone
缺點:
雖然 Mon 大係的確係佢既優點, 但太大部亦成為佢既小小小缺點 ( 因為我手細, 拎個陣拎得有 d 唔方便 )
中文唔夠字, 昵樣係我非常介意既地方, 因為我好多時候會用到 Sms, 但好似打咩字冇咩字咁
岩岩開始用個陣都好地地, 點知用耐左少少, 發現佢 Hang 機情況都幾嚴重, 今日我淨係開左個 Facebook, CPU 竟然已經用到 98%, 跟住就 Hang Hang Hang, 最後我要拆舊電出黎先解決到, 昵樣係令我最失望既地方
有時個 Lock 要按好耐先有反應
Alarm 想用自己既鈴聲都好麻煩, 我已經 Google 左入鈴聲既方法, 都未成功
電量少
評價:
其實我一直都係 Nokia Fans, Nokia 一向係我好欣賞既品牌, 但無奈原本部 Nokia 又已經壞壞地, 最近 Nokia 又冇咩好機岩用 ( N 系多 Bugs 又 Hang 到 七彩, X 系造工粗糙 ), 因緣際會之下第一次轉會, 用左 HTC, 本來諗住用 Hero, 後來見 HD2 新 D, 黎昵度睇用家意見又好似唔錯 ( 係最近先開始有返 D 負面 D 既意見 ), 所以揀左佢 ..
開頭用真係覺得好正, Mon 大又靚, 我係第一次用 Touch Screen 既機, 感覺上唔錯, 用手指滑黎滑去既感覺唔錯, 但我發覺佢既接觸有好多時都好似唔夠快同準確, 就好似個 Lock key, 有時按左好耐先有反應 ..
今日令我最火滾, 因為我只係開左個 Fb, 但佢竟然已經用左 98% CPU ( 睇Task manager 就會睇到 ), 之後就係咁 Hang .. Hang 到冇哂反應 .. 最後要拆粒電出黎先搞得掂 .. 淨係開個 Fb 已經搞成咁? 咁要部電話黎做乜? 乜都唔用淨係用黎欣賞 ?
本來我幾鍾意昵部電話, 但佢太多我接受唔到既缺點喇, 又唔夠字, 又 Hang 得多, 電量又短命 .. 真係有少少失望 ..
如果佢可以搞掂昵 d 問題, 佢絕對係一部好電話 ..