優點:
1. HTC Sense 夠貼心
2. mon色水靚, 又夠大(我唔識咩技術名詞, 總之我對眼覺得佢靚就係靚)
3. 可以link到fb friends聯絡資料, 夠方便
4. 重量o岩男士用(太輕我驚跌o左都唔知)
5. 影相合格 (因我都唔會有太高要求)
6. 操作反應良好
還在發掘中......
缺點:
1. 電量唔多夠
2. 用得耐都幾熱
3. 頂頂條bar略為太幼, 唔係次次都一按即中
4. 鈴聲唔夠大聲
還在發掘中......
評價:
最初我想出iphone, 但而家覺得佢太濫, 周街都係佢, 有d悶o既感覺, 同埋我身邊有用iphone o既朋友已經有幾個壞機, 換o左至少一次, 所以已經唔想用佢; 之後想出gs2, 但見好多人都有紅中現象, 維修都冇用, 好似要睇自己好唔好彩抽中部冇事o既機, 呢點有d荒謬, 同埋好多人話samsung售後服務差; 最後選o左HTC sensation, 原因係雙核心, 個樣都幾靚仔, 上網示範片段都幾流暢, 而且聽講HTC售後服務幾好, 覺得若果唔好彩有問題的話, 去整機都會冇咁躁.
用o左幾日, 覺得真係幾好, 我習慣用完apps會退出, 有時lock機前會睇下有冇apps行緊, 有的話就關o左佢, 所以部機反應都好好, 有時係會lag一兩下, 但我覺得冇問題, 唔通lag一兩下就會死人? 同埋一部細細o既電話, 都唔會期望有幾勁, 只要夠自己用就ok, 我主要用黎上網, facebook, 打電話, 影相就一時時, 至於聽歌打機就會用ipod touch, 因為若果以上所有野都用同一部機黎行, 咩電都唔夠用啦, 同埋好多有機會用到o既apps已經內置o左, 唔使又去搵一餐, 開機以黎未hang過, 表現都幾理想, 雙核心表現唔錯, 足夠我用.
同埋我最buy佢個HTC sense, 真係好貼心, 尤其係電話響時, 一拎起, 鈴聲自動降低, 呢下真係覺得好正! 佢個背部我覺得唔錯, 分o左3個層次咁, 都幾特別, 前面就弧形設計, 以防唔小心刮花屏幕, 夠細心.
相信未來會有更多更強勁o既機推出, 但我覺得sensation已經可以滿足到我o既需要, 所以應該會用到佢壞為止! 仲有一點係......暫時未同其他人撞機!