Motorola RAZR Maxx

實拍照片

1. 電量3300mah 比其他對手明顯佔優
2. 機身薄，而且感覺硬淨
3. 去現場雜音一流，crystal talk做到野
4. Run Android ICS 4 幾暢順 (買機時已經有得upgrade 喇)
5. 影相快門時滯短，關咗快門聲真係影咗都唔知
6. 防滑底做得唔錯

1. 當人人都玩四核時佢仲玩雙核芯，不過都唔算慢既
2. 1G ram 唔係好夠，要定期clear ram
3. 影相一般，但雜訊表現已經好過D一味谷像素既1200萬手機
4. 機身無手機繩孔
5. 機套選擇少

我出機時真係揀咗成兩個月，比較過好多唔同牌子既手機，講真論功能摩記呢部作為旗艦手機係唔夠三叔同sorry果D鬥，無論MON 呎吋、解像度、CPU、配件選擇全部都輸， 但點解我仲揀呢部？出機前我問勻晒身邊D friends同同事，佢地無論用緊幾靚既手機都好，都係要帶「尿袋」出街，或者好多時要係公司差電，否則放工返屋企果程車唔駛旨意仲有電玩，我就係唔想帶多舊「尿袋」，咁部手機幾輕幾細都無晒意義，因為要帶多舊比部機更大更重既野根本就本未倒置。有得換電個D都仲好，但一晚你記得差一舊又唔記得差另一舊又係盞搞，而家部機我平常使用一天夜晚都係用剩50%，喪玩部機果日都用剩30%，其他機根本係無得比，而且三千幾蚊有咁既spec 已經係算抵，所以真係無買錯。

1. 電量: 最食電係3G上網同打機，約40分鐘到先用10% - 聽歌1小時都用唔到5%
2. 穩定性強: 硬件上唔係最好，但係真係好可靠，用左兩個月，一次都冇hang過
3. 實而不華: 真係應該有既佢都有，高內存，高電量，8.0m鏡頭，好音質
4. 價錢實惠: 之前人仔台上台價做緊3280，抵到咁，一時忍唔到手就買左～

～簡單黎講如果你係用家，呢部機樣樣都係優點～

1. 反應慢(升4.0後): 開程式明顯慢左少少 (其後發現其他廠既雙核機升4.0後都係咁)
2. 原生軟件煩(唔差，但唔實用): 基本上由相機，聽歌以至輸入法等等都唔會用原生
3. 日間顯示效果一般: 係太陽底下反光嚴重，係室內靚過TFT芒成條街，但室外...
4. 顯視器像數灌水: 實整使用其實真係唔多覺，但心理上輸左...

～如果如果你係玩家，咁呢部機真係樣樣都係缺點～

本人之前用過既android有: Motorola XT701 及 Sony Xperia Mini Pro

呢部機對於其他廠黎講就真係比較一般，但對於Motorola黎講其實係一唔有進步。雙核1.2g表面係好一般，但係實制使用上，已經冇程式係會慢到行唔到，再快既cpu，但4個鐘就冇電唔通就叫做好？講真，如果唔係打機，其實單核1g都夠晒用。

再黎其實就係想為Maxx既鏡頭平反一下，個個都話佢差，其實又未必太差。
如果用原生相機夜景雜訊一定多，因為原生相機係會亂推ISO的，
用原生相機影夜景記得轉用弱光場景，因為弱光場景其實係有NR功能。
如果想用觸控對焦即拍有就試下裝Ucam，用左就會同iphone一樣有觸控拍攝，
仲有Ucam唔會亂推ISO，如果你唔手震既話夜景用Ucam係好過用原生相機。

仲有Maxx既雜訊處理其實幾好，係有粗粒，但唔會有錯色，仲可以保留好多細節。
本人對於手機攝影功能都幾有要求，之前本想手入 Xperia P，因為同Maxx同價，
但一睇Xperia既相，用ISO100既暗位已經紅紅綠綠咁，心淡。HTC又太貴。

用左兩個月，影左過千張影，我發現Maxx既優點係近拍，真係型過九成手機，
7.5cm既最近對焦距離，加上約40mm鏡等效焦距，
影一隻滑鼠都可以big爆張相，我諗冇乜幾多手機既近攝可以驘到Maxx。

下面有張小弟試拍既影葉相，加左D對比，但真係利到數到毛呢～
http://blog.yimg.com/3/_2IAPrF7s5_6iIlPyv8ko00hI1AYlVhOeYjtncBXAL2EdUlEOxnjog--/30/o/0HP_IHKLDir7skjEYflsAQ.jpg

1. 賣點：鋰電池 3300 mAh 電池, 長用可用一日半, 唔使怕出街無電
2. 螢幕尺寸：4.3 吋, 呢個尺寸剛剛好, 唔大唔細, 睇得清楚, 拎得舒適, 又可放入褲袋
3. 螢幕：Super AMOLED Advanced 16700000 色, 畫面好靚, 無偏色, 比iphone還要sharp
4. 中央處理器： 雙核 1.2 GHz, 雙核已成為入門機種, 打機流暢
5. 機身顏色：只得黑色機身, 但感覺好cool好型, 機背是防滑, 手感好
6. 可擴充記憶： 32GB MicroSD, 因為是內置電, 記憶卡及sim卡在機身側, 方便插入

1. 內置記憶容量：16GB storage, 但實體只得11.74GB可用
2. 像素：800 萬像素, 影相質數比較差, 對焦慢, 所以高像數唔代表一定好
3. 系統: 升上4.0後, 雖然快左, 但會有少少lag, 用HKIME打字, 間中會彈出, 少部份Game唔support, 感覺原裝2.3會流暢d, support多d

買呢部機全因為電量好及各樣規格都岩我用, 內置記憶實際不足, 但可擴充卡, 影相質數差, 但日常影下周邊事, 食物都算OK.

最後是價錢平, 係人仔台出唔使3K, 十分抵用.

PS: DCFEVER中所寫網絡系統：4G LTE - 是錯的, 此為XT910是3G機, 而XT912才是4G機

主要買它是3300mA電量，要和尿袋說拜拜。
通話質量好好，聽和講都一流。
暫時都未試過hang機，只是上網時機身都會幾熱，但都可以接受。

硬件上已現在的機種說，只是合格。雙核心機變成基本，螢幕解像度、鏡頭像素、記憶體、軟件更新，都不是進取的。

終於有用電話的感覺，實用為主。如要科技便非***和HTsee了，玩Apps i風真是冇得頂，Android機dApps =_=

1. 電量最強：正常用一日仲有一半電，大駛勁玩夜晚都仲有兩三成
2. 免攜尿袋：因為電容量實在太龐大，除非全日不停咁玩部機，否則每日一叉一定夠用。有時仲可以隔1.5 日先叉一次
3. 造工紮實，唔會有好膠或者好似拎住玩具既感覺
4. 堅固襟用，就算唔小心跌咗落瓷磚地板都冇花冇爛
5. Smart Action 方便易用，可按時按候自動轉換成靜音或自動暫停data sync 等，唔駛晚晚臨訓前搞呢搞路。
6. 上咗 ICS 之後介面更好用，個人認為比三叔機順手易用。同埋冇咩bug
7. 絕少同人撞款/撞機
8. 可以放入褲袋而唔覺得「銀」住「銀」住
9. 話音質素良好
10. 叉電速度可以接受，雖然電容量大但叉一兩個鐘都已經差唔多滿
11. 4.3 吋芒剛好夠用又易拎上手。螢幕色彩幾濃，冇咩偏色。
12. 防滑機身令人有安全感，唔駛渣到實一實慌死跌機

1. 上咗ICS 有少少LAG，畢竟CPU 1.2 Ghz 唔算太快
2. 等升級極考耐性，Moto 之前話第二季內上 4.0，結果遲咗成個月有多
3. 冇fm 收音機 (好似係disable 咗)
4. 配件選擇少 (但唔係個個需要既……)
5. 二手價唔多實淨，尋日問百記收二千四。正價4,498，人仔台機2,980 +68x12 = ~3,800
6. 相機質素比較弱，雜訊較多，自動對焦有時唔太知佢想點。呢個Samsung 贏幾條街。

簡單講，講究實用的用家會好鍾意呢部機，事關電量、原生操作介面同話音質素呢三樣基本野，Razr Maxx 都係現時可選擇既機款當中既頂尖份子。

1) 冇電就部機再勁都冇用，而帶住尿袋出街一來重，二來要幫尿袋叉電又係多隻香爐多隻鬼。男人老鬼唔想拎袋出街的話，呢部機就啱晒
2) 原生操作介面好用，就唔駛裝GoLauncher / LauncherPro，雖然有D人可能好鍾意customize，但有時簡單就是美
3) 話音質素與擁有 Crystal Talk 的Nexus One 不相伯仲，好過三叔

千辛萬苦上到ICS ，都唔期望再有JellyBean 。呢個喺將來可能係一個缺點，但如果部機既spec 唔足以運行新O/S，勉強上而犧牲效能亦冇意思。起碼家下我好滿意Razr Maxx，每日keep 住玩 Twitter 、睇報紙同email 甚或打下麻雀，可謂綽綽有餘。

利申：用過Nexus One & Galaxy Note

(1) 超級高電量, 試過故意唔充電 (用埋 smart action),
竟然
分別用到3日 (有開 wifi, 冇開3G)
同埋兩日 (有開3G)
從此出街唔駛驚唔記得帶"移動充"

(2) Smart Action 好用, 只要花些時間做設定, 返工 / 會議 / 睡眠 mode 隨手可用
(3) 因不可換電, 返而 換 micro SD , Sim 卡相對方便 , 不用拆機背殼
(4) 雙核 行apps 夠用, 唔lag
(5) 收音清晰, 聽歌都係
(6) 鋁合金機身, 夠薄又夠 Man

(1) 唔習慣 原生介面, 不夠 user friendly, 但 market 上面大把 launcher 下載
(2) 冇 file manager, 要自己上 market 下載, 不過問題不大
(3) Mon 既細緻度比唔上 Xperia S (映相 睇返冇 XS上面 咁靚)
(4) 顏色覺得有Amoled 嘅特色 --- 有味精, 冇Xperia S 咁自然
(5) 開機比 Xperia S 慢, 開 apps 亦感覺 比 Xperia S 慢, 但可接受
(6) 遲遲唔上ICS (所有牌子佢同 LG 有得 fight)

之前用過Motorola XT701, lag 到真係想殺人, 曾經發誓唔買Moto
轉咗 Xperia ARC, 聽歌/映相 無敵, 但唔夠 RAM 行 Timescape
轉咗 Xperia S, 好機一部, 但成日喺街就一定捱唔到返屋企 (其實所有雙核機都係咁), 又有黃斑困擾.....

反而呢部機四平八穩, 整體質素比預期好,
設計見心思 (Kelvar + 鋁合金 + Gorilla Glass)
淨係唔駛帶電出街已經值得捧場
只係 motorola 嘅 軟件支援超弱,做衰個名, 希望 Google 買起之後 做好D 啦

提議 :
1. 因原機祇有 power button 開屏/閉屏, 試用過其他apps 都不能用 volume key 開屏/閉屏, 大家可下載 "Tap Tap App" 用 senor 開關
2. 新機 可下載 "金山電池醫生" tune-in 電池，用一個月後可以不用