優點:
外型除咗man之外個人仲覺得好靚。手感非常好,機身的用料和製作真的無懈可擊,用咗S2兩個月(頂唔順太膠感而換昨Maxx)。部機喺介面操作上比S2還要快和順(無論note或者S2在操作上都有反應遲緩的問題)。特强嘅電力無需多費唇舌。display亦比S2自然和靚,影相的反應亦好快。而最重要嘅通話質素真係無得傾,三星聽電話時只係得個大聲,完全聽唔清楚對方的說話,絕對係受罪(此亦係放棄S2嘅原因),sony ericsson的neo都比佢好,Maxx就真係好正。打機好順,無hang無lag。
缺點:
配套少,想買個保護套都未買到,三星同iphone就周圍都有。應用程式的介面唔可以自由移動,只會因應你使用嘅頻率而出現在不同的頁面,即用得最多嘅就會自動擺喺第一頁。差電耐,要四個鐘左右先差滿,但係唔使日日差都可接受。除咗硬件規格較為遜色之外(以旗艦機計),真係諗唔到有乜缺點!
評價:
用咗三個星期,真係好正,覺得自己真係買到一部啱用嘅電話,而唔係買咗一部科技嘅副產品,只標榜數據規格,而無咗電話嘅真正用途(除非你淨係用mail同whatsapp)。而打機上網都好順好快,仲有清晰嘅話音質素,誠意之作