產品瀏覽紀錄
HTC One X
顯示: 1 - 6 (最佳心得)
4
lst0998 (4個心得) 於 2012-04-10 10:37:46
持中性態度 (使用了 5 日)
優點:
-上網係手機黎講算快.以開YAHOO桌面版首頁又例,要開3秒
-720P MON的確唔差,解像度拍得住4S,用黎睇YOUTUBE 16:9既高清片好正,又可以用盡個MON
-連拍速度同對焦好快.但質素一般
-幾輕同薄,雖不及S2,但沒有明顯分別
-我果部無咩偏色問題(可能之前用開S2,偏色太勁)
-HTC 售後服務好,琴日公眾假期CS都有人同我傾半粒鐘(網上類似MSN果隻)
-D天氣特效幾靚
-解鎖可直接選上網.電話,影相等,十分方便
-個人認為外型幾靚(各花入各眼嫁姐)
-揚聲器夠大聲,而且無s2咁拆
-聽筒都算夠大聲,係地鐵上收音都算清楚,最小對方都聽得到我講咩
缺點:
雖然話係新一代機皇.但缺點都唔係無
-4核大部分APP都唔支援,4.7吋MON又係,會有3點係下面出現,所以唔算有太大既速度提升
-大部分GAMELOFT 既GAME都唔支援,雖然聽有D CHING講你可以DL APK放落部機,有D都玩到.但我試過MC3,證實左係不相容既...其他就未有時間試
-拍片1080P有小小不暢順(但不嚴重,同S2個情況差唔多)
-BEATS AUDIO我都同意某CHING講人聲凸出左同BASS勁左,但係佢某程序上只係將個VOL提高1-2格,令人聲大聲左,再加強返個低頻.咁POWERAMP都一樣用到
-無得換電我反而無乜所謂,反正我就算係S2都無換過電
-如果上網開FLASH,一LOAD完個網頁就放大縮小,係會勁LAG,就算LOAD完個網頁等幾秒,都係會有小小唔順
-充電充左成晚都重係50%,但粒電就應該係充爆左,電池%顯示有BUG.搞到要RESTORE(不過呢個問題唔係個個都有)
-上網LOADING果條綠色BAR會出現彩虹,但好快就會消失
-影相方面,雖然連拍係快,但質素真係一般,雖然smart flash避免左盡面出現過曝,但係係房內拍照有較多雜訊.
-可用RAM較小,即使KILL哂所有APP,都只係得3XX MB可用,如果開幾個網頁,會令FREE RAM 跌到得返1XX MB,速度同順暢度都明顯地拖慢.
-SENSE依然有重啟既問題,特別係開得多APP返桌面既時候,但一日先會出現一次左右(如常洗RAM)
-大型3D GAME我只玩過GTA3,但開車開得快同轉彎既時候有小小LAG,可能未優化?(我已經關哂D背景APP)
-有好多SOFTWARE既BUG.例如關左MON會自動開返,播320KBPS既歌開BEATS AUDIO會窒半秒咁
-唔知係咪只係我果部既問題,我果部WIFI接收好唔穩定,入到房有時會有1.5MB/S,有時得返300KB/S,有幾次重轉左3G...
意見:
呢篇係我用呢部機5日既感想,同用左2日果篇會再深入小小
總括黎講,如果你用緊既係1-2年之前既機,呢部機一定可以令你感受到明顯既速度同流暢度提升,但如果你而家部機係近呢半年既高階機,分別的確唔算太大
你上YOUTUBE可以搵到好多XS/4S/S2 VS ONE X既片,大部分都係ONE X輸,不過我要為1X平返下,其實好多都唔係FAIR TEST,特別係佢地既WIFI速度根本跟唔上部機既速度,所以顯得較慢,而且2部機用同一個WIFI,如果佢個ROUTER係平價貨,咁頻寬就唔能夠平均咁分配,咁對2部機都唔公平.例如我係YOUTUBE見有個人用4S開一個外國網頁要16秒,1X要2X秒,但係我果部用6秒就開完,好明顯佢個WIFI係好慢,令2部機都不能發揮到極限
我都同意有幾位CHING話4XXX蚊有4核重想點.我講呢D缺點其實好多都係SOFTWARE未夠完善,而HTC出名SOFTWARE UPDATE快.所以我都幾有信心HTC會搞返好佢
不過如果你話佢同電腦一樣咁快,咁就真係睇你用咩電腦啦.如果係CORE2DUO/pentium4時代既cpu,可能真係比電腦快,但如果係i3/i5/i7既話,電話始終係電話,電腦始終係電腦,重係有一段距離.我講出黎只係想d準買家唔好抱咁大期望,廢是期望愈大,失望愈大
之不過,其實部機係咪真係某幾位ching講,只係得無得換電.無得換micro-sd呢幾個小缺點呢?我睇又唔止,所以買機之前都係睇多幾個用家既評測,先再下決定吧
5
lst0998 (4個心得) 於 2012-05-10 17:36:29
推薦此產品 (使用了 1 個月)
優點:
對上一篇講既小BUG大部分都已經係第一次更新修好,例如彩虹.雜訊等.
信號亦比之前好,可用RAM有300MB以上,小左SENSE 重啟,雖然唔係完全無,但真係要同一時間開好多APP,之後禁HOME鍵先會出現.電池BUG消失
rgb排序既slcd2一定好過pentile排序既super amoled
其他請看其他
缺點:
FLASH更新後依舊唔算順,但一般只係係一頁有幾個FLASH CONTENT OR 放大縮細時先會LAG
睇網頁版MYTV 流暢度可以接受
更新後仍有bug.例如會自己食儲存空間.但htc已知道問題.表示會出更新改善
但樓下果位ching好似誇張左d wo,重新關機時只要禁關機.之後手動開機.根本就唔會食1gb 記憶
而且用電腦format左個記憶體就會變返正常,你可以backup左d資料,之後用電腦格式化(不是手機內),之後再copy返落去.
意見:
今次再出第3篇感想既原因睇唔過眼一班都唔知有無用過部機既人OR唔識用既人係度亂咁批評.
首先.經過第一次UPDATE雖然仍然唔係完美,但好多BUG已經修好,之前我對此機保持中立,而家我可以講,Yes, I recommend this product.

對於已上既批評,我有以下意見.
影相方面.我認同4s的確係手機中擁有最好既相機,但s2較佳呢點我難以認同,很多既評測報告都認為s3的影相方面敗給one x
http://www.eprice.com.hk/mobile/talk/4555/46986/
s3的雜訊比one x 嚴重很多,,one x 既細節保留比s3好.
色彩方面.one x 比較自然, s3成像比較散
而one x f2.0光圈比s3大,所以係低光源既環境有更好表現
http://www.youtube.com/watch?v=MNRuw48ACNc&feature=youtube_gdata_player

樓下話mon偏黃.呢個唔係部部機都有呢個問題.slcd既機都係咁.ip4s同new ipad既ips mon都俾人話有d機黃.有d唔黃
出機時覺得黃咪開過部lo,其實如果唔算太黃,唔比較根本唔會發覺,

android 4.0既 default browser其實已經好快,但one x 對flash既支援唔好,所以上網最好唔好開flash,要睇先開,咁就會好順,唔開flash重快過chrome beta

聽歌我唔知你有無開beats audio(應該都有),佢係加重左bass,所以低音點會唔得?
聽歌一定好過s2(其實係s2差姐).

你有黃斑問題,congratulation ,因為你可以去換mon,佢會上門幫你收機,之後再上門俾返你,而且佢可能重會幫你換埋新電池.

至於維修問題.係電訊商出機7日內換機不嬲都係上旺角果d地方換,你出機果時佢一定有講(最小我人仔出機有講),而htc只負責維修,唔會換機,所以你肯整佢一定幫你整,但換新機無可能.
根本隻隻牌子都係咁.

我原本都無諗住出第3篇,但見好多唔知打手,定3星fans走黎踩場,先出呢篇野以正視聽
佢地講既野唔係無中生有,但好多都有解決方法,自己google一下好易搵到,
你話順,無可否認ios係順d,android 觸控差係軟件問題.但one x 絕對係android中最順既機之一


ps,我唔係打手,one x 亦唔係完美,但邊有d人講到咁差?
5
lllf85 (1個心得) 於 2012-04-13 10:11:34
推薦此產品 (使用了 4 個月)
優點:
- 快,真係幾快,上網開程式各樣都係四核應有既水準
- 外型打破HTC以住沉悶既框框,個人覺得外型相當靚仔
- 720p Mon 睇片打機都係享受,雖然我都認同係有好輕微既偏黃,但其實用落無影響,比起Sony XS既偏藍同Galaxy系列既味精色,呢隻Mon 既少許偏黃係絕對無問題,另外細緻度亦值得一讚,其實PPI 超過300比數字已經無咩意思,望上去都無咩分別。
- 相機、音樂大躍進,超快連拍、爽快既對焦、2.0大光圈、邊拍片邊影相,呢d都係超大進步既升級,音樂方面自從收購左Beats Audio之後都好左好多,比起以前可有可無既音樂功能相差甚遠,「Beats Audio自由行」亦令呢個技術無浪費,抵讚。
- Sense 4.0比起2.0、3.0都改進左唔少,好似設定同快捷鍵既設計都令使用上流暢不少。
- 性價比高,以我黎計預訂Premium Pack連耳機先$5698,減左耳機街價即係四千鬆d,呢個規格黎講絕對抵買,唔似得Samsumg d 機下下新機都開五千尾。
缺點:
- 差電慢,真係好慢
- 用電算快,不過係可接受水平 (而家d機部部都係倒水咁去架喇d電)
- 用一段時間機身會熱,比以前d機熱唔少 (不過個熱度未至於會令你擔心~XD)
- Ringtone 都係有d細聲(HTC特色),出街袋入袋會有機會miss call
- 無換電無插卡 (對我影響唔大,我以前用電話都唔會換電 / 換卡,不過如果hang死機的話無得拔電係一個問題)
- 電量顯示有bug,差成晚都係維持在某數 (次次唔同) ,個粒電又真係差爆左 (因為用一段時間個數字都唔會跌),可能要等bug fix patch。(應該唔係個個都係咁既)
- 跟機個耳筒絕對係雞肋,扁線設計係吸引但又唔造入耳式,唉,改d唔改d...
- 影相快,不過質素一般,絕對唔能夠同DC比,但share facebook夠用
- 天線設在機底係有d影響,使用上要留意
- 流暢度始終造唔到頂級 (我指sense介面),個Sense 4.0真係太大食
意見:
老實講,我之前用緊 Incredible S ,再之前用 Desire, One X 只係用左4日,但我好認同CHING lst0998 (樓下果位)所寫既野,電話始終係電話,唔係電腦,無得比。同埋HTC呢部機真係睇得出係俾左好多心機落去做,我之前用Desire, Incredible S都好滿意因為我覺得買電話唔係單單買top spec仲有就係間廠點令部電話用上去更加就手,HTC呢方面係值得一讚,基本上用佢內置既apps已經解決到好多基本功能而唔使下下都用呢個apps果個apps,雖然犠牲左少少流暢度,但Sense用慣左你唔會想轉。(我玩過女朋友部Galaxy,呢樣又要apps先做到,果樣又要apps先做到,真係玩到無癮)。
以五千二蚊呢個價位黎講,呢部機真係好正,速度唔好同電腦比,相機唔好同DC比,聽歌唔好同膽機比。用返電話同電話比,咁先合理,仲有,規格好唔代表使用體驗就一定好,呢部機既使用體驗係絕佳,只係間中有少許無關痛癢既bug,但唔算好影響使用體驗。
我覺得只要部機用得enjoy已經值回票價,完美電話嘛....同搵個完美女神做女朋友 / 老婆一樣︰慳d啦,何必樣樣都追求完美呢?戔自己辛苦~~
最後更新:2012-04-13 10:26:26
5
antizon (3個心得) 於 2012-04-07 05:57:21
推薦此產品 (使用了 2 日)
優點:
全球最快手機, 4核既威力, ICS+ sense 4.0, 爽
快速起動+ f2.0 + 優化閃光燈既相機, 呢個就係電話入面相機最重要既功能, 快, 隨時可以snap shot
個mon 堅靚, 基本上去到retina 級數既mon, 人類肉眼都好難再分高低, 唯一可以比既就係size同埋色, 不過呢d個人喜好行先, 我就好滿意
聽歌係另一主打, fight 低大部份電話, premium pack跟埋beat solo, 唔係追求鑑聽級既用家絕對滿意
外觀ok, 我自己就鐘意白色多d
其餘既野都係頂級
缺點:
唔洗講, 都係電既問題,
不過話時話, 依家有邊部電話唔洗跟外置電呢? one x既電量唔係最好, 但係都冇想象中咁差,10 點玩到3點就冇電, 但中途係不斷聽歌, 開wifi dl野同埋玩緊既, 所以我覺得可以接受, 問題係佢差電好慢...
講電話偏細聲, 呢個問題大d
4G未 ready, 硬係覺得有個遺憾, XL 粒u 就冇咁好, htc呢個策略等你黎緊1, 2 年都仲有理由換機, 雖然部機快左令到上網都快左d, 但3g 始終係3g...
有試過幾次返home要load
幾熱, 尤其鏡頭附近
冇左menu制同search制其實有d唔順手, 都唔知點解要咁
反而個multi-tasking制有d無聊
聽講有唔少ching有黃班問題, 我就冇, 但有d擔心qc
意見:
one x絕對代表左電話已經進入一個新既年代, 跑分出黎差唔多贏 S2成條街, 各樣頂級配置, 加埋beat solo 上台都係預繳4千幾, 仲想點!?
但係ching們亦都唔好將佢過份神化, 始終一部電話黎, 唔好期望個相機會靚過單反, 聽歌聽到完美音色, 粒u可以令你做任何野都0.1秒搞掂
開頭我就係有d呢個諗法, 拎上手果陣都有d失望, 但玩下諗下,始於電子野唔會一出就出部領先10年技術既完美電話, 唔係佢點搵$? 但個人認為one x已經係現時最強電話
我不嬲對HTC冇乜好感, 覺得佢出d機好普通又要賣得貴過人
但今次睇完佢d資料, 問埋價錢, 真係好滿意
4
Eric.Tse (4個心得) 於 2012-04-07 10:59:23
推薦此產品 (使用了 2 日)
優點:
機身薄
好似好輕 (因為大部重量分散,唔覺重)
Mon解像度高 - hk.yahoo主頁唔駛zoom都睇到每隻字
Mon質料高 - 用過2蚊銀狂刮都無事
screen capture - POWER+HOME
拍片可以揀mp4
能黑或背光影相 - 可能因為連拍快, 可以短時間內喺唔同EV值拍完再合返埋
上網快咗n倍 - 公司個位收3g差, 用desire上網等好9耐, 依家超快
睇網頁會reload - 按最近使用的應用程式掣(右下角)睇返之前嘅網頁, 會自動reload
Dropbox雲端 - 喺電話可直接安裝apk, 相即睇, vcf聯絡人即入
其他咩4+1核心可慳電, 連拍快, 拍片時可影相, 睇片有apps可cap圖, 防污
缺點:
上得網耐, 鏡頭位置會發熱
相片質素麻麻
Mon底有好輕微黃, 一般用係唔覺
最近使用的應用程式掣係廢廢地, 某d apps向上撥咗好似唔見咗, 但其實仲食住d ram, 即係都要裝taskiller
用microSIM 大趨勢, 用開SIM買機時要留意
內置電–4.0後出嘅機睇嚟大部份都會係咁
因為Mon大, 有d apps邊位有黑色(未支援高解像, 關apps開發商事)
意見:
部機無乜電, 買嘅時候要叉住電試
試機時要CHECK MON, 可自備相片, screen test APK檔 (*#*#3424#*#*無咗check mon功能, 但有時間都可以玩吓)
暫時未玩d好需要gpu & cpu 效能嘅game
以前用改desire, 依家發覺有d左右調轉咗(power掣, 答是否), 要少少時間適應
無左menu掣, 但有‧‧‧(打直的)可以按, 又要時間適應
1
harry_myself (2個心得) 於 2012-04-23 22:58:58
不推薦此產品 (使用了 1 個月)
優點:
部機真係好正好快,好爽,不過...
缺點:
QC很差,售後服務很差,來生不買HTC
意見:
部機真係好正,好快,好爽,不過買要有心理準備,我係三出機,第一部在出機時無端端黑屏再開唔到機,於是sale俾過第二部我,點知部機有黃斑我買時check唔到,之後發現想拎去3換,點知佢話唔可以係門市換(就算未夠七日),要我拎去旺角柏裕3中心換,上到去以為即係可以拎返部機走,點知佢話冇現貨要等七個工作天,係七個工作天!!!我未用到七日就要我等七日!!!之後我打去HTC嘈佢話佢都冇辦法,冇可能即刻換部新機我,你出部機都換唔到俾我?我咁貴買HTC幹什麼?之後拋返個波俾3,3又話要等HTC發貨先有得換,兩個部門係咁推波,售後服務其差,買新機等如冇新機,如果質疑此POST可信性,我可EMAIL維修單給大家看,買唔買你自己諗