Sony Xperia V

評測報告

實拍照片

外表幾靚, 有手感. 都幾輕,
少LAG, 又幾快

1. 用電真係好似倒水咁倒, 開一開睇下PLAY STORE有D咩, 果2分鐘已唔見2%電.
2. 如果一直用. 大概幾分鐘後就開始熱. 如用來打機, 會熱得好緊要. 但就未至於會死機
3. 無APP2SD係缺點, 但唔係無方法既

電係一個好大問題. 但看過XDA-DEVELOPMENT, 有D人用CM10 (4.2.2) 用電改善好多. 但唔知XPERIA V 會唔會官方升級4.2.2 呢?
關於APP2SD, 可以下載一個叫LINK2SD, 但要係MICROSD 分割一個1G左右既 EXT2/EXT3 分區出來用來比LINK2SD 放APPS, 咁就解決左. 當然里面有技巧, 比如點分割出來等等.
發熱好嚴重. 我玩P&D玩一陣就感覺好熱, 但熱係聽筒後面個位熱. 機下半身唔熱既. 呢點亦係我最唔滿意既地方.

抵用: $2680 買部4G 機 (中移淨機價)
MON 靚 : 全景睇高清NBA直播清到爆! (要自己裝Flash Player)
防水: 小弟經常沖涼時聽收音機同睇MyTVB.
用原機個MP3播放器聽歌質素高.

MON 黃 : 唔建議用BACKLIGHT, 冇咩用, 而且太耗電同刺眼.
影相好難對焦: 好易out focus, 開咗防震都係咁.

因為價錢平, 所以最後都係唔要個壞壞地用咗兩年嘅IPHONE 4. 用後覺得OK, 易上手, 個介面同NEXUS 7原生Android 接近, 所以用得冇咩困難.

對於有D人指出之問題, 其實唔係Xperia V獨有問題, 例如耗電. 小弟試個晒不同使用方法, 包括: 淨用電話(唔開數據WIFI, 用3天); 淨用電話同WIFI(2天); 乜都用(3G及4G數據(10小時內). 小弟用過3星DUO Y同IPHONE4, 一開埋數據成日用住, D電一定係倒水咁, 平均2至3分鐘少1%. 所以呢個係用家自己習慣問題.如果有邊部機長開4G都可以用多個一日, 相信部機會賣斷市.

另有人話LAG機唔順同APP2SD 唔得, 請立即裝個"360優化大師", 以上問題全部可以解決.

另冇諗過跟機已貼保護貼同可以放Octopus嘅機套, 可以慳番.

有插卡，依樣對我黎講比換電重要
Clear phase 聽歌好正
薄又輕，不過我喜歡有重量，輕過頭無質感
影相都可以，起碼比之前部s3好
虛擬鍵唔錯
4G唔錯

輕，有重量感先有手感
前相機得30，不過無自拍好耐，所以無乜所謂

整體唔錯，有換電又有插卡
容量都算系咁，我又唔多apps
單手操控到
訓系到用打面都幾痛
電量方面普通用都用到平均7，8小時（whatsapp下，fb下，上下網，pad）
狂玩就3〜4小時
奇蹟就1日
今日唔好彩整花左個mon貼，諗住遲下走去換過張，點之花埋張防爆貼
部機就咁唔完美
又有借口換機

1. 耗電程度算係幾好，同以往的3G手機差唔多，以LTE手機來說算唔錯
2. 顯示器幾靚
3. 外型唔錯，唔會太大部
4. 影相靚
5. 顯示屏有水都唔影響操作(以前夏天大汗，好多手機會失控，亂咁按掣)

1. 虛疑的Home、返回掣等等，會隨顯示的方向而改變
有時右手疲倦了想用左手拿著手機看網頁，但點樣轉部手機，只要部機係打橫，按鈕就會自動飛去右邊
左手按不到
2. 防水蓋好單薄，總覺得好快會爛開
3. Sony軟件功能問題，Wi-fi access point不能選優先次序，同一地方有2個用得的access point就好煩，不斷跳來跳去
4. 以往用玻璃screen的手機唔會咁易花題示屏，但部手機本身的防爆貼好易花
5. 中文筆劃輸入法，打得快，字碼會直接當左文字輸出，接backspace時就會出問題

選Sony的原因係因為佢有在手機上用雙咪去改善話音質素
雖然效果唔及Motorola，但已經係惟一個自己喜歡而話音質素比較好的品牌
同埋本人大汗，好容易用汗整壞電話，防水好方便日常使用

以往曾經用過xperia ARC有過不快經歷，當年外國已經證實左自動爛殼的問題，但香港唔肯認，另外買左無耐，就用新版firmware改CPU速度，減價出左部ARC S，好搵笨

不過近年無再點聽Sony手機出現質量問題，又無什麼自己覺得合適的品牌，故此惟有再買一次

新機至今出現過幾次於待機時成部機要拆電先著得返的問題，相信是某些程式配合唔到部新機吧

1/. 買的時間是用 CMCC-HK 網絡，經常找不到網絡，後來把它設定到GSM頻道，才不再出事，但仍慢得出奇；現在轉用 3 的 4G LTE 網絡下，速度幾乎比想像快很多，有時還比家的 wi-fi 更快！但有一個情況，上網經常見到LTE，但一打電話就只得 3G，估計 3 的網絡問題，因為我的朋友用 3 + iPhone 5 ，都出現同樣情況。

2/. 三防手機 + 涵括大多數國家、地區的 4G LTE + 外型優美，纖巧，是我買本機的原因。

3/. 充電時間相比 Samsung快很多。

4/. 之前用的是 Samsung Note 1 & 2，但轉用本機後，朋友都大讚，因為聽出來的音質比較實，以前的糢糊不清情況已改善很多。

5/. 終於可以用到手機繩了。(Samsung機沒有這個設計的)

6/. 1千3百像素拍攝鏡頭、Walkman聽歌等賣點，OK。

1/. 電池有時很熱、怎至過熱，熱至 Hang 機。

2/. 屏幕仍然都是 iPhone 和 Samsung 的靚，這理論都有師兄在這裡提到的。

3/. 4G LTE 的網絡下，食電很凶，只夠半天7-8 小時，就只得 20-30%。

4/. 最近軟體升級到 4.1.2 版，但未見有什麼特別。

5/. 屏幕只得 4.3寸，但預留虛擬 Home鍵之後，實得只有4寸，再者解像高，字體變得有點過細，看久了，會費神。

6/. 屏幕是TFT，可視角度較低，所以縱有千三萬像的鏡頭，都不能完全表現。

7/. 防水蓋開關得多的話，相信好易爛, 因為狀怎單薄，更怕那些防水膠料，容易老化 (不太重要，反正我作為香港人之一，換機都很快，相信不會用到這一日。)

8/.配件少之又少，只好「裸機」，「不帶套」。

1/. 正如上面的一位師兄提到，昨天我買了這台機，已號稱是旗艦機，但不到一個月左右，就有一台 Xperia Z正過這台，又是什麼旗艦機！- -出得太快了罷！ Samsung都沒有這麼快窩！ - - 架仔比韓國仔更等錢使！又或者是自己民族比韓人優勝，不可輸！一定重拾手機界的一、二哥地位。

2/.對於本機，用了未差不多兩個半月了，總體來說是滿意的，加上最近減了價(行價好像減了HK$300-400)，應該值得推薦使用的。

3/. 出機謹兩個月，軟體竟然有更新，喜出望外，一改 Sony、 Sony Ericsson的趕客陋習，可喜可賀！

4G, 機身漂亮，薄身精品，外型可比美iphone, 防水。

MON 唔靚， 比市面上SAMSUNG HTC IPHONE 等遜一級
Home鍵太接近keyboard space鍵，經常打打下message 出左去。

原裝沒有file manager, 操作界面不夠爽快，另外無錄音功能等基本software. Google 語音輸入極慢，令駕車時地圖幫唔到手。

SONY XPERIA 系列新機出得太多太快，今天買新機，明天有隻更好的，這個賣機策略，有點令人反感。

配件少，市面上samsung iphone的配件實在太多太正了。

本人使用智能電話 只用whatsapp等簡單流行apps，都是一般瀏覽上網，用tethering 給ipad, 打出打入等。前一部機是samsung galaxy note 1, 用了一個月，慢慢覺得這部V 除了外型 及4G 外，其他無一樣比samsung note 優秀，但注意note 1是一年前之產品，人家隻mon 睇相顏色鮮明實在，可視角度高，像看着相紙般清晰。
總括來說，如對電話硬件要求不高，只要纖薄機身的話，這款手機是稱職的，因為對雙核機來說，這隻software 尚算爽快。 但對於硬件要求高的用家，本人就不見議使用。