優點:
規格: 暫時手機黎講算最強, 不過半個月後可能變回基本規格
相機: 連續無限快拍真一流, 連閃電都影到
防水: 有總好過無
缺點:
相片: 估唔到質素係咁差, 希望越大, 失望越大
相機: 好多CHING 都講過, 開相機app需時5秒, 慢!
WIFI: 用手機做基地台時, 有時候會突然終斷
表面玻璃: SONY講到兩塊玻璃防刮夠硬, 但居然表面玻璃凹左
DOCKING: 用DOCKING充電時, 手機打橫放, 但所有軟件仍然直立播, 點用呀SONY!!!
軟件問題1: 非常垃圾, 聽緊電話時,特別係留言信箱, 放下要按電話版面數字, 要按兩次或等一、兩秒才可按到
軟件問題2: 直立拍片, 但播放時要打橫播, 離譜!
軟件問題3: 用左唔夠15日, 軟件已撞了, 要回CS整機, 失望!
評價:
初初俾佢外型, 規格及紫色(我最愛)吸引住, 一心諗住就係呢部喇
直至攞上手後, 開始覺得平平無奇, 影相質素好普通, 開相機速度真係估唔到咁慢, 因為號稱最快既機嘛,所以特別有期望. 至於拍片更加嚇人, 直立錄打橫播, 搞到個畫面勁細, 既然係咁, 要高清黎做乜, SONY!!!
SONY號稱mon及影相最強, 講到如何如何強勁, 相片質素並非你想像咁好, 希望越大, 失望越大. 至於個mon, 偏少少黃, 但我寧願接受偏黃都不會接受samsung 偏藍.
軟件又係嚇死人, 好不穩定, 結果我部機著"SONY"就黑畫面, 要回CS維修, 又無機借用!
玻璃&防水, 大家唔用到都唔會知係咪真係咁強, 但我可以肯定塊玻璃的描述並不真確,SONY真係笑話, 講到兩塊玻璃如何強, 我將電話放大袋裡, 居然表面玻璃凹左少少, 但我之前用手機都一向如是, 從未發生過凹玻璃事件 防水-- 我唔敢試喇
至於電量呢方面, 我覺得只要揹住尿袋出街先用到一日既, 就係唔夠囉, 呢樣不是這部機缺點!
呢部機令人希望好大, 失望更大, 第一次用SONY機, 仲係旗艦機, 估唔到咁差, 已俾我擊沉左, 如果大家等得, 不妨等下HTC ONE & SAMSUNG S4先再考慮買邊部.